Avaryja, jakaja adbyłasia ranicaj niadzieli na skryžavańni praśpiekta Pieramožcaŭ i vulicy Mielnikajcie, atrymała šyroki rozhałas u internecie.
Redki ŭ našaj krainie Bentley Continental GT uzoru 2011 hoda vylecieŭ na sustrečnuju pałasu i sutyknuŭsia z Lexus LX570 z rasijskimi numarami.

Spačatku atrymała raspaŭsiudžańnie viersija, što za rulom sierabrystaha Bentley byŭ były trenier nacyjanalnaj chakiejnaj zbornaj Michaił Zacharaŭ, adnak paźniej źjaviłasia infarmacyja, što aŭtamabilem kiravała jaho dziaŭčyna. “Heta była maja mašyna, u Michaiła Bentley čornaha koleru”, -- zajaviła jana.

Varta zaŭvažyć, što sierabrysty Bentley Continental GT naležyć da samaha apošniaha abnoŭlenaha madelnaha šerahu kampanii. Vypusk takich aŭtamabilaŭ pačaŭsia tolki viasnoj 2011 hoda.

U Jeŭropie bazavaja kamplektacyja navinki kaštuje 154000 jeŭra, u Vialikabrytanii –135760 funtaŭ, u ZŠA – 189 900 dalaraŭ.

Cikava, što aŭtamabili z prezidenckaha kartežu značna tańniejšyja. Ich dakładny košt nieviadomy – takija mašyny nielha nabyć, ich robiać pa śpiecyjalnaj zamovie. Adnak ekśpierty ličać, što košt prezidenckaha Mersedesu nie pieravyšaje sta tysiač dołaraŭ.

* * *

Brytanskaja kampanija Bentley Motors Ltd. Była zasnavanaja ŭ 1919 hodzie i ad taho času śpiecyjalizujecca na vypusku aŭtamabilaŭ premium-kłasa. U 1998 hodzie kampanija pierajšła pad kantrol Volkswagen Group, adnak marka zachavałasia. Nazva Bentley pachodzić ad proźvišča adnaho z zasnavalnikaŭ kampaniii -- Walter Owen Bentley. Na siońniašni dzień zavody kampanii vypuskajuć vosiem madelaŭ aŭtamabilaŭ. Pryčym ahulnaja kolkaść mašyn, što vypuskajucca kožny hod, nie pieravyšaje dziesiaci tysiač ekzemplaraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?