Biełaruś i Rasija da kanca hoda płanujuć vyjści na prajekty dakumientaŭ pa stvareńni aŭtachołdynhu z udziełam AAT «MAZ"i «KamAZ»,
paviedamiŭ pieršy vice-premjer RB Uładzimir Siamaška.

«Jość peŭny hrafik, asnoŭnymi vykanaŭcami z rasijskaha boku vystupajuć «Rastechnałohii «i KamAZ, ź biełaruskaha — Minpram i MAZ. Hety hrafik pieraduhledžvaje, što da kanca hoda my pavinnyja vyjści na prajekty dakumientaŭ, dzie znojduć adlustravańnie ŭmovy isnavańnia chołdynhu, kab vykonvalisia intaresy i rasijskaha, i biełaruskaha boku», — skazaŭ Siamaška.

Pry hetym jon jašče raz zajaviŭ, što intaresy Biełarusi nie zvodziacca da prodažu MAZa. Pavodle słovaŭ Siamaški, stvareńnie aŭtachołdynhu nie značyć, što Biełaruś budzie pradavać peŭny pakiet akcyj. Supracoŭnictva budzie budavacca na asnovie pieradačy ŭ kiravańnie «Rośbiełaŭto» častki akcyj jak KamAZa, tak i MAZa, a taksama inšych zavodaŭ, jakija ŭvachodziać u ich infrastrukturu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?