Arhamitet ruchu «Za aŭto» raspaŭsiudziŭ płan akcyi «Stop-bienzin», jakaja adbudziecca u aŭtorak, 7 červienia, u suviazi z pavyšeńniem cen na bienzin.
Jany zaklikajuć prykładna, a 19.20 družna vyjechać na praśpiekt, kab, a 19.30 zapoŭnić jaho. Aktyvisty ruchu za panižeńnie cenaŭ na bienzin zaklikajuć pryviazvać biełyja stužački da anten svaich aŭtamabilaŭ, prylaplać nalepki, uklučać avaryjku i ruchacca z panižanaj chutkaściu, pastupova źbirajučysia ŭ ahulnuju kałonu.

Nalepki jany rekamiendujuć lapić na kuzaŭ aŭtamabila (h.zn. na mietaličnyja častki) ci na padhałoŭniki zadnich siadzieńniaŭ tak, kab jany byli dobra prykmietnyja zvonku — dla taho, kab vas nie abvinavacili ŭ tym, što na škle ustalavanyja pradmiety i naniesienyja pakryćci, jakija abmiažoŭvajuć ahlad.

Miarkujecca, što pry ŭdzielniki taksama pačnuć chaatyčna spyniacca (u roznych pałosach ruchu), adkryvać kapot, bahažnik, dastavać pustyja kanistry i pravodzić 15-chvilinny «ramont» svajho aŭtamabila, u jakoha nibyta skončyŭsia bienzin ci jaki pierastaŭ jechać.

Inicyjatary taksama zaklikajuć udzielnikaŭ nie zajmać krajniuju pravuju pałasu dla zabieśpiačeńnia bieśpieraškodnaha prajezdu hramadskaha transparta.
«Pry kantaktach ci pretenzijach z boku pravaachoŭnych orhanaŭ zachoŭvajcie vałodańnie saboj, nie paddavajciesia na pravakacyi, nie ŭstupajcie ŭ niervovyja svarki. Budźcie hodnymi hramadzianami svajoj krainy, adstojvajcie svaje pravy», — tak skančajuć jany svoj zvarot.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?