Kiravańnie aŭtamabilem vielmi časta robicca spravaj napružanaj i niervovaj. I čaściakom prablema tut nie ŭ tym, što ŭ zatorach my staim usio čaściej, mašyn robicca ŭsio bolš, a ruch — usio pavolniejšym. I navat nie ŭ tym, što kožny ličyć, što «vakoł adny prydurki». Prosta va ŭsim, jak zaŭsiody, vinavataja čałaviečaja pryroda.

Časopis Motor Trend pravioŭ daśledavańnie, zaklikanaje vyśvietlić, što ž bolš za ŭsio pryvodzić kiroŭcaŭ u šał. U vyniku vyśvietliłasia, što isnuje 5 samych raspaŭsiudžanych krynic razdražnieńnia na darozie.

1. Samym razdražnialnym faktaram na darozie pryznany marudlivy kiroŭca. Pavodle apytańnia, nieapieratyŭnaść i nierašučaść na darozie razdražniaje 43,5% apytanych udzielnikaŭ ruchu. Tut varta adznačyć, što kali vy jedziecie pavolniej za patok, to susiedziam pa darozie ciažka zrazumieć, što vy źbirajeciesia rabić: moža, vy chočacie rezka pierabudavacca, ale nie ŭklučyli pavarotnik ci vy naohuł varjat i zaraz budziecie razvaročvacca, a moža, vy tak pomścicie mašynie zzadu vas… Pryčyn moža być šmat, i niemahčymaść zrazumieć ich razdražniaje bolš za ŭsio. Darečy, nie darujuć zanadta marudlivym kiroŭcam i supracoŭniki patrulna-pastavych słužbaŭ, padazrajučy, što ŭ takoj mašynie moža być niećviarozy ci nieadekvatny kiroŭca.

2. Na druhim miescy ŭ rejtynhu — tyja kiroŭcy, što, znachodziačysia za rulom, sprabujuć rabić niekalki spravaŭ adnačasova, što adbivajecca na ich kiravańni i pavodzinach na darozie. 23% respandentaŭ zajavili, što ich razdražniaje, kali za rulom nabirajuć sms ci havorać pa telefonie. Zrazumieła, što, jedučy chutka, takim zajmacca davoli składana, i kiroŭcy zajmajucca hetym, kali ruch na darozie ciažki. Ale voś heta i razdražniaje…

3. Treci punkt surjoznaj niezadavolenaści — tyja, chto nie ŭklučaje pavarotniki. 16,1% apytanych kiroŭcaŭ ličać heta razdražnialnym faktaram. Čamu? Tamu što na darozie ekstrasensaŭ, jak praviła, niama. Vašyja dumki nichto nie čytaje, i kiroŭcam susiednich mašyn chaciełasia b viedać vašyja dziejańni ŭ najbližejšyja niekalki siekundaŭ. Što vy zadumali — praciahniecie ruchacca prosta, chočacie pierabudavacca, raźviarnucca abo syści ŭ zavułak? Kali vy nie ŭklučyli pavarotnik, značyć, vy praciahvajecie ruch i ad vas nie čakajuć nijakich nieadekvatnych dziejańniaŭ.

Ale miarkujučy pa apytańni i kolkaści niezadavolenych, na darohach vielmi šmat kiroŭcaŭ, jakim prosta lanota zrabić adzin ruch rukoj i ŭklučyć sihnał pavarotu. Składana vykazać zdahadku, što siarod nas tak šmat tych, chto dźviuma rukami čaplajecca za rul i baicca adarvać miezieniec, kab dać sihnał pavarotu. Čaściej za ŭsio tak robiać tyja, kamu ŭsio navakolnyja hłyboka pa barabanie. I tut dušu hreje dumka, što «kožnamu addasca pa spravach jaho…».

4. Ahresiŭnyja kiroŭcy, jakija taksama ni ŭ što nie staviać navakolnych i padrazajuć, vyklikajuć razdražnieńnie, jak ni dziŭna, tolki ŭ 10% apytanych kiroŭcaŭ. Ale apytańnie hetaje pravodziłasia ŭ ZŠA.

5. Na piatym miescy ŭ rejtynhu stajać kiroŭcy, jakija nie pavaročvajuć naprava na čyrvonaje śviatło. Heta nie mohuć zrazumieć i vytryvać 7,2% respandentaŭ. Ale tut treba znoŭ adznačyć, što vydańnie Motor Trend, jakoje pravodziła daśledavańnie, — amierykanskaje. A praviły darožnaha ruchu ŭ ZŠA abviaščajuć, što na čyrvonym śviatłafory dazvalajecca vykonvać pavarot naprava ŭ vypadku, kali jon biaśpiečny — niama transpartnych srodkaŭ, jakija hetamu zaminajuć, i piešachodaŭ, jakija ruchajucca na dazvalalny sihnał śviatłafora.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?