Ceny na bienzin mohuć źmianicca, kali «supaduć peŭnyja pryčyny i ŭmovy».

Pra heta zajaviła pres-sakratar kancerna «Biełnaftachim» Maryna Kaściučenka na prośbu prakamientavać infarmacyju pra mahčymaje ŭ najbližejšyja dni pavyšeńnie cen na paliva.

Pry hetym jana adznačyła, što «pavyšeńnie ci źnižeńnie cen — heta nie płanavanaja akcyja». Pavodle słoŭ Kaściučenki, čutki pra pavyšeńnie cen raspaŭsiudžvalisia i raniej, u krasaviku, adnak, hetaha nie adbyłosia.

«Biełnaftachim» raniej tłumačyŭ, ad čaho zaležać ceny na bienzin. U pryvatnaści siarod pryčyn padaražańnia nazvanyja: padaražańnie syraviny, dysbałans cen z susiednimi krainami, padatkovaja nahruzka ŭ vyhladzie akcyzaŭ, pavieličeńnie taryfaŭ na elektraenierhiju i haz, transpartnyja raschody. «Uličvajučy ŭsie vyšejpieraličanyja akaličnaści, kancern „Biełnaftachim“ zmušany prymać miery dla vyraŭnoŭvańnia dysbałansu cen i pavyšeńnia efiektyŭnaści dziejnaści NPZ pry realizacyi naftapraduktaŭ na ŭnutranym rynku. U adpaviednaści ź situacyjaj prymajecca rašeńnie ab źmienie cen na naftapradukty», — padkreślivajuć u kancernie.

Na šerahu AZS BiełaPAN paviedamili,

što ceny zastajucca na raniejšym uzroŭni i pakul nijakich dakumientaŭ ab pavyšeńni jany nie atrymlivali.

U 2011 hodzie roźničnyja ceny na aŭtamabilnaje paliva pavialičvalisia trojčy ŭ sakaviku (3 sakavika — na 4,5–10%, 14 sakavika na aŭtabienzin «Narmal-80» — na 18,9%, 31 sakavika — na 10%).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?