«Haściavy dom Buka Julii» pieramoh u konkursie «Lepšaja ahraekasiadziba 2010 hoda».

 Julija Buka z pryzami. Fota westki.info.

Julija Buka z pryzami. Fota westki.info.

 Siadzibu «Haściavy dom Buka Julii» ceniać za naturalnaść. Fota westki.info.

Siadzibu «Haściavy dom Buka Julii» ceniać za naturalnaść. Fota westki.info.

 Siadziba ŭ Vałodźkavie čakaje haściej u lubuju paru hoda. Fota westki.info.

Siadziba ŭ Vałodźkavie čakaje haściej u lubuju paru hoda. Fota westki.info.

 Hran-pry konkursa atrymała siadziba «Paŭlinava», što ŭ Baranavickim rajonie. Fota pavlinov.ucoz.net

Hran-pry konkursa atrymała siadziba «Paŭlinava», što ŭ Baranavickim rajonie. Fota pavlinov.ucoz.net

Žury konkursu «Lepšaja ahraekasiadziba 2010 hoda», jaki ładzicca «Biełahraprambankam», pryznała «Haściavy dom Buka Julii» najlepšym u naminacyi «Zialonaja siadziba». Siadziba mieścicca ŭ 12 km ad Hłybokaha ŭ vioscy Vałodźkava («NN» pisała pra jaje ŭ červieni 2009). I prostyja naviedniki, i siabry žury acanili hałoŭnuju asablivaść siadziby spadaryni Julii — jaje naturalnaść. Tut niama sajdynhu dy inšych adznak sučasnaści. Siadziba zachoŭvaje naturalnuju atmaśfieru prostaj sialanskaj chaty. Jak raskazała «NN» Julija Buka, jaje pryjemna ŭrazili słovy vice-premjeraŭ Anatola Tozika i Siarhieja Rumasa na cyrymonii ŭznaharodžańnia. Jany kazali pra nieabchodnaść zachavańnia viaskovych chataŭ u jakaści abjektaŭ ahraturyzmu.

«My pryvykli, što nas, biełaruskamoŭnych, nazyvajuć BNF-mi, lepiać z nas vorahaŭ narodu. I voś taki pazityŭny prykład — siadziba, dzie dla biełaruskamoŭnych isnuje źnižka, nazyvajecca adnoj ź lepšych»,
— kaža Julija Buka. Za pieramohu jana atrymała ablihacyi «Biełahraprambanka» na sumu 3 młn biełaruskich rubloŭ i pamiatnyja pryzy.

Hran-pry konkursu atrymała siadziba «Paŭlinava», što ŭ Baranavickim rajonie. Pracuje druhi hod.

Chto jašče pieramoh u konkursie

U naminacyi «Zachavańnie biełaruskich tradycyj» pieramahła siadziba «Mikołaŭ vostraŭ», Śvietłahorski rajon. Admietnaść — haspadar siadziby adramantavaŭ 17-mietrovy młyn — sapraŭdny pomnik kultury. U naminacyi «Zdarovy ład žyćcia» pieramožcam stała «Siadziba» z-pad Homiela, jakaja śpiecyjalizujecca na miedycynskaj reabilitacyi dzietak. Siadziba «U Kniazieva ŭ Lubužy», što z-pad Mahilova, atrymała pieramohu ŭ naminacyi «Haścinnaść». «Styl i harmonija» — pieramoha siadziby z Aršanščyny «Siabry i K».

Konkurs «Lepšaja ahraekasiadziba» pravodzicca ŭ ramkach prahramy padtrymki ahraekaturyzmu. Jon štohadovy, sioleta ładziŭsia druhi raz. Uznaharodžańnie pieramožcaŭ adbyvajecca ŭ časie štohadovaj Mižnarodnaj śpiecyjalizavanaj kanfierencyi «Ahraekaturyzm — stan i pierśpiektyvy raźvićcia».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?