Minski rycarski kłub «Orden Paŭnočnaha Chrama» płanuje stvaryć ułasnuju hrupu bajkieraŭ.
Pra heta paviedamiŭ kiraŭnik kłuba Źmicier Niaściuk 24 lutaha na pres-kanfierencyi, pryśviečanaj praviadzieńniu XI Mižnarodnaha rycarskaha fiestyvalu «Bieły zamak» (4–6 sakavika).

Pavodle słoŭ Nieściuka, u hetuju hrupu ŭvojduć pryblizna 15 čałaviek, jakija buduć vyvučać majsterstva rycarskaha boju na matacykłach z vykarystańniem miačoŭ, dzidaŭ, inšych siaredniaviečnych vidaŭ uzbrajeńniaŭ i daśpiechaŭ. Takoje abjadnańnie bajkieraŭ, jakoje rekanstrujavała epochu karala Artura i ŭdzielničała ŭ rycarskich turnirach, zmahajučysia na matacykłach, isnavała ŭ ZŠA ŭ 1960-ja hady.

Adkryćcio pieršaha adździaleńnia bajkieraŭ minskaha kłuba «Orden Paŭnočnaha Chrama» zapłanavana ŭ vieraśni ŭ Maskvie. Kiraŭnik kłuba vykazaŭ nadzieju, što bajk-adździaleńni kłuba nieŭzabavie źjaviacca ŭ Minsku i inšych haradach. «Prajekt sapraŭdy cikavy, tamu što rycary na matacykłach — heta vielmi sučasna i sadziejničaje papularyzacyi našaha sposabu žyćcia, historyi Siaredniaviečča i tradycyjnych chryścijanskich kaštoŭnaściaŭ. Abaviazkovaj umovaj udziełu ŭ adździaleńni dla kožnaha bajkiera źjaŭlajecca viera ŭ Boha i dabro, imknieńnie nieści jaho i zmahacca za spraviadlivaść», — adznačyŭ Niaściuk.

Pavodle jaho słoŭ, usie ŭdzielniki prajekta ludzi «dastatkova darosłyja, sa sfarmiravanymi kaštoŭnaściami i zabiaśpiečanyja, bo ŭtrymańnie bajkierskaj techniki patrabuje značnych srodkaŭ».

Starejšy ŭ Biełarusi rycarski kłub «Orden Paŭnočnaha Chrama», što byŭ zasnavany ŭ 1994 hodzie i zajmajecca rekanstrukcyjaj rycarska-manaskaha ordena tamplijeraŭ XI–XIII stahodździaŭ, maje prykładna 20 filijałaŭ u Biełarusi, Rasii i krainach Bałtyi, jakija ŭvachodziać u mižnarodnaje hramadskaje abjadnańnie «Rycary Utremiera».

Pavodle słoŭ Nieściuka, rycarski ruch u Biełarusi maje hłybokija histaryčnyja karani. Tamu mnohija śpiecyjalisty histaryčnaj rekanstrukcyi adznačajuć, što biełaruskija rycarskija kłuby vyznačajucca bolš surjoznym padychodam da adnaŭleńnia minułaha, čym ich kalehi ź inšych pastsavieckich dziaržaŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?