U miastečku Mieračoŭščyna, što kala Kosava ŭ Ivacevickim rajonie, hramadskaść, ułady i dypłamatyčnyja pradstaŭniki adznačać siońnia 265-ja ŭhodki z dnia naradžeńnia Andreja Tadevuša Banaventury Kaściuški.

Historyk ź Ivacevičaŭ Pavał Dajlid kaža: štohod 4-ha lutaha ŭ Mieračoŭščynu, dzie znachodzicca adnoŭlenaja siadziba, u jakoj naradziŭsia Kaściuška, pryjaždžaje davoli vialikaja delehacyja:

«Tradycyjna siudy pryjeduć pradstaŭniki dyplamatyčnych misij, pradstaŭniki ŭłady z vobłaści i rajonu. Što admietna, kožny hod pavialičvajecca kolkaść prostych ludziej, zusim nie anhažavanych partyjami, ruchami, jakija z navakolnych viosak, susiednich haradoŭ pryjaždžajuć adznačyć uhodki z dnia naradžeńnia našaha słaŭnaha ziemlaka».

Štohod udzieł u mierapryjemstvie biaruć pradstaŭniki polskaj nacyjanalnaj mienšaści ź Bieraścia,
kaža namieśnica staršyni bieraściejskaj filii nieaficyjnaha Sajuzu palakaŭ Hanna Panišava:

«My zaŭsiody jedziem da Kaściuški. 4-ha lutaha vučni našaj škoły padrychtavali admysłovy vystup. Jany buduć čytać vieršy Marji Kanapnickaj na polskaj i biełaruskaj movach. Vieršy pryśviečanyja Kaściušku i paŭstańniu».

Krajaznaŭca ź Bieraścia Ihar Baranoŭski miarkuje, što pakul asoba Kaściuški nie ŭšanoŭvajecca na naležnym uzroŭni ŭ našaj krainie:

«Jaho śled u našaj historyi vielmi važny i značny, jaho imia sapraŭdy vartaje pašany. Ale kali tolki pahladzieć pa Bieraści, to možam prasačyć, što navat vulica imia Kaściuški nia ŭ centry horadu, a niedzie ŭ novabudoŭli, dy niama jamu i pomnika na centralnaj płoščy. Na žal, nia taja pakul ułada, jakaja viedaje pryjarytety historyi i naležna ich rasstaŭlaje. Imia Kaściuški jašče niedastatkova ŭšanavana».

Uračystaści ŭ Mieračoŭščynie pačnucca, a 12-j.

Mierapryjemstva aficyjna adznačajecca ŭžo 16-ty hod zapar.

***

Tadevuš Kaściuška — nacyjanalny hieroj Biełarusi, Polščy i Złučanych Štataŭ Ameryki. Udzielničaŭ u baraćbie za niezaležnaść Paŭnočnaj Ameryki ad Vialikaj Brytanii, taksama ŭdzielničaŭ u Vialikaj francuskaj buržuaznaj revalucyi. U 1794 hodzie Kaściuška kiravaŭ paŭstańniem suprać padziełaŭ Rečy Paspalitaj pamiž Rasiejaj, Aŭstryjaj i Prusijaj. Lozunh paŭstańnia hučaŭ: «Svaboda, jednaść, niezaležnaść!».

Pry Bieraściejskim abłvykankamie stvorany fond imia Tadevuša Kaściuški.

U Siachovičach, što ŭ Žabinkaŭskim rajonie, znachodzicca dom, dzie, jak davodziać niekatoryja daśledčyki, naradziŭsia Tadevuš Kaściuška.

Imia Kaściuški nosiać vulicy ŭ Kosavie, Ivacevičach, Lidzie i Horadni.

Pomniki Kaściušku jość u ZŠA, Švajcaryi i Francyi.

A ŭ Aŭstralii ŭ honar Tadevuša Kaściuški nazvana najvyšejšy punkt kantynentu — hara na 2 228 metraŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?