Hetaja sapraŭdnaja biełaruskaja strava vymahaje času i natchnieńnia dla pryhatavańnia. Ale vynik atrymlivajecca vydatny.

Spačatku treba pastavić roščynu dla blinoŭ, a potym bracca za pryhatavańnie samoj mačanki — skaromnaj ci posnaj, pa žadańni.

Mačanka z rabrynkami

250 h śvinych rabrynak, 200 h sialanskaj kaŭbasy, 2 cybuliny, 100 h sała dla padsmažvańnia, 2 st. łyžki muki, łaŭrovy list, sielderej (pa žadańni), sol.

Kavałački śvininy z rabrynkami i sialanskaj kaŭbasy absmažyć. Pšaničnuju abo jačmiennuju muku raźvieści chałodnaj vadoj, ulić u kipień, uvieś čas pamiešvajučy. U padliŭku, jakaja stvaryłasia, pakłaści łaŭrovy list, sielderej, sol, padsmažanyja kavałački sała i drobna narezanaj cybuli, a taksama śvininu i kaŭbasu. Pastavić na 20–25 chvilin u haračuju duchoŭku. Da mačanki dać bliny.

Mačanka z hrybami i sieladcom

50 h suchich hryboŭ, 1 st. łyžki muki, 1 cybula, 100 h file sieladca (salonaha), 2 st. łyžki aleju.

Hryby zamačyć na 2–3 hadziny ŭ chałodnaj vadzie, vymyć, advaryć biez soli. 1 st. łyžku muki i stolki ž aleju prasmažyć da śvietła-karyčnievaha koleru i raźvieści 2 st. haračaha pracedžanaha hrybnoha bulonu. Atrymany sous varyć pry słabym kipieńni 15–20 chvilin. Drobna narezanuju cybulu padsmažyć, dadać drobna padsmažanyja hryby i zdrabnionaje file sieladca, prasmažyć usio razam, zatym pakłaści ŭ sous, prybavić pa smaku sol i dać prakipieć. Da mačanki padać bliny.

Bliny da mačanki (na roščynie)

1,5 muki, 1,5 st. małaka abo vady, 1 jajka, 1 č. łyžka cukru, 20 h draždžej, 2 vialikija bulbiny, 2 st. łyžki aleju abo marharynu dla ciesta, alej dla smažańnia, sol

Pryhatavać aparu, dla čaho ulić u načyńnie 2/3 normy małaka ci vady, padahretych da 35–40 °S, raźvieści ŭ ich droždžy, usypać pałovu muki, raźmiašać da adnarodnaj kansistencyi, nakryć pałatnianym ručnikom i pastavić u ciopłaje miesca na 1–1,5 hadziny.

Kali roščyna padydzie, dadać cukar, sol, jajka, alej abo marharyn, muku, jakaja zastałasia, padahretaje małako, jakoje zastałosia, dobra vymiešać i dać padyści ŭ ciopłym miescy, zatym znoŭ pieramiašać ciesta i znoŭ pastavić u ciopłaje miesca. Kali ciesta znoŭ padydzie, pieramiašać, dadać natarkavanyja syryja bulbiny, pieramiašać i vypiakać na alei.

Padavać z mačankaj.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?