Čarhovy skandał z pryčyny stalinisckich pohladaŭ kiraŭnictva VAK.

Dysiertacyja Siarhieja Tukały pa historyi Minskaha hieta z-za svajoj abjektyŭnaści nie zaćvierdžana prezidyumam Vyšejšaj atestacyjnaj kamisii, zajaviŭ 21 studzienia ŭ Histaryčnaj majsterni Minskaha mižnarodnaha adukacyjnaha centra imia Jochaniesa Rau doktar histaryčnych navuk prafiesar Emanuił Jofe. Jon źjaŭlajecca viadučym u krainie daśledčykam historyi Chałakostu.

Pavodle słoŭ Jofe, vypusknik aśpirantury Biełaruskaha dziaržaŭnaha ŭniviersiteta, vykładčyk Biełaruskaha nacyjanalnaha techničnaha ŭniviersiteta Siarhiej Tukała dvojčy nie zmoh abaranić dysiertacyju «Hienacyd i baraćba jaŭrejaŭ u Minskim hieta». «Apošni raz kiraŭnictva VAK admoviłasia zaćvierdzić hetaje daśledavańnie, chacia ekśpiertny saviet pa historyi VAK daŭ «dabro» navukovaj pracy Tukały», — skazaŭ Jofe.

Jon zaznačyŭ, što ŭ svajoj dysiertacyi Tukała niepraduziata pakazvaje historyju Minskaha hieta, u tym liku jaho kiraŭnictva — jaŭrejskaha kamiteta (judenrata). «Jaho členy, pryznačanyja akupantami, źjaŭlalisia kałabaracyjanistami, pakolki vymušany byli vykonvać zahady nacystaŭ. Razam z tym mnohija ź ich, u tym liku dva pieršyja staršyni judenrata — Ilja Muškin i Moše Jofe, a taksama kiraŭnik jaŭrejskaj palicyi Ziama Sierabranski, byli źviazany z padpollem hieta, udzielničali ŭ antyfašysckim supraciŭleńni i byli pakaranyja śmierciu hitleraŭcami. Adnak kiraŭnictva VAK nie prymaje takuju traktoŭku minułaha Minskaha hieta i ličyć, što dysiertacyja pavinna adlustroŭvać tolki kałabaracyjanizm u dziejnaści judenrata», — padkreśliŭ Jofe.

Jon vykazaŭ škadavańnie, što navukovaje daśledavańnie «talenavitaha syna biełaruskaha naroda Siarhieja Tukały dahetul nie atrymała naležnaj acenki».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?