Vystava «Połacki załaty skarb» adkryłasia 19 studzienia ŭ Nacyjanalnym histaryčnym muziei Biełarusi.
U asnovie ekspazicyi — unikalny skarb X stahodździa z fondaŭ Nacyjanalnaha Połackaha historyka-kulturnahamuzieja-zapaviednika.

Jak paviedamiŭ na adkryćci vystavy dyrektar Nacyjanalnaha histaryčnaha muzieja Siarhiej Viečar, skarb byŭ vypadkova znojdzieny ŭ 1984 hodzie na terytoryi Nižniaha zamka ŭ Połacku padčas rabot pa dobraŭparadkavańni horada. Skarb ujaŭlaje saboju reštki załatych juvielirnych upryhažeńniaŭ epochi vikinhaŭ i źjaŭlajecca paćviardžeńniem handlovych suviaziaŭ Połacka taho času z krainami Paŭnočnaj Jeŭropy i Kijevam.

Pavodle słoŭ ministra kultury Paŭła Łatuški, vystava — adno z vynikovych mierapryjemstvaŭ respublikanskaj akcyi «Kulturnaja stalica Biełarusi». Akcyja startavała ŭ pačatku 2010 hoda, pieršym status kulturnaj stalicy atrymaŭ Połack, sioleta — Homiel. U miežach akcyi ŭ Połacku prajšło bolš za 50 mierapryjemstvaŭ — vystavy, kancerty, fiestyvali, tvorčyja sustrečy.

Pavodle mierkavańnia Łatuški, pieršaja akcyja «Kulturnaja stalica» atrymałasia dziakujučy sumiesnym namahańniam pałačan pry padtrymcy Ministerstva kultury, Viciebskaha abłvykankama i Połackaha harvykankama. Praviadzieńnie akcyi, adznačyŭ jon, maje dźvie mety: pakazać, što kožny biełarus niezaležna ad miesca žycharstva maje prava dałučacca da kulturnych kaštoŭnaściaŭ naroŭni z žycharami stalicy; sadziejničać raźvićciu kultury ŭ rehijonach.

Vystava «Połacki załaty skarb» budzie pracavać da 28 studzienia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?