200 h śvinych kostačak, 1 morkva, 1 korań piatruški, 250 h vendžanaj śvinoj hrudzinki (ci śvinoj kaŭbasy), 50 h šmalca, niekalki zubkoŭ časnaku.

Dla zakvaski: 400 h žytniaj, pytlavanaj abo aŭsianaj muki, 200 h vady, niekalki skarynak čornaha chleba, cełyja zubki časnaku (pa smaku).

Žur — staradaŭni biełaruski sup, jaki zhadvajecca ŭ paemie «Taras na Parnasie» i hatujecca na asnovie zakvaski z muki, jakaja i nazyvajecca žuram. Hety sup taksama papularny ŭ polskaj kuchni.

Pryhatavać zakvasku: u šklanym ci kieramičnym posudzie raźvieści ciopłaj kipiačonaj vadoj muku, dadać chleb i časnok, dobra pieramiašać, pakinuć u ciopłym miescy na 3—4 dni. Kožny dzień akuratna pieramiešvać zakvasku. Kali zakvasku nabudzie pryjemny kisły smak i svojeasablivy vodar — pracadzić i vykarystać dla pryhatavańnia supa-žura. (Pry patrebie zakvasku možna zachoŭvać na praciahu niekalkich dzion u chałodnym mieście).

Sa śvinych kostačak i kareńnia zvaryć jušku, pracadzić, dadać žur, pasalić, prakipiacić. Hrudzinku (ci kaŭbasu) narezać kubikami, padsmažyć na šmalcy, dadać u sup. Dadać u sup taksama zvaranaje ukrutuju jajka (parezanaje) i raściorty z sollu časnyk. Jašče raz prakipiacić.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?