«Šlach. Tvary, dumki, hałasy. Ryfmavanaja historyja ŭ adcieńniach biełaruskaha duchu». Tak nazyvajecca kniha historyka Siarhieja Kavalova, jakaja 18 listapada budzie prezientavacca ŭ Minsku ŭ siadzibie Tavarystva biełaruskaj movy (Minsk, vuł. Rumiancava, 13, st. mietro «Płošča Pieramohi).

Kandydat histaryčnych navuk Siarhiej Kavaloŭ — uradženiec Viciebsku. Jon pracavaŭ vykładčykam u Technalahičnym universytecie, ale za svaje demakratyčnyja pohlady byŭ zvolnieny. Ciažka chvory, jon usie svaje siły skiravaŭ na stvareńnie ryfmavanaj historyi Radzimy.

Pabačyć svoj tvor jamu nia losiła — siem hadoŭ tamu aŭtar pamior u dzień svajho piacidziesiacihodździa.

Jahonaja kniha pad nazovam «Šlach. Tvary, dumki, hałasy. Ryfmavanaja historyja ŭ adcieńniach biełaruskaha duchu» vyjšła sioleta ŭ vydaviectvie «Knihazbor» nakładam 100 asobnikaŭ na srodki svajakoŭ aŭtara.

Pradmovu da jaje napisaŭ Uładzimir Arłoŭ, jaki byŭ adnakurśnikam Kavalova na histaryčnym fakultecie Biełaruskaha dziaržaŭnaha ŭniversytetu. Jon zhadvaje.

«Napeŭna, sens čałaviečaha žyćcia ŭ tym, kab jak maha chutčej zrazumieć svaju rolu na hetym śviecie, źlicca ź joju, vykanać jaje. U Siarhieja šlach da hetaha razumieńnia byŭ dastatkova pakručasty. Kali my ŭžo havaryli pa-biełarusku, kali my ŭžo mieli Radzimu, jon hladzieŭ na nas krychu iranična. Ale potym jon niepaźbiežna, ja kažu niepaźbiežna, tamu što jon byŭ historyk pa adukacyi, taksama pryjšoŭ da ŭśviedamleńnia siabie biełarusam, jon znajšoŭ svaju Radzimu, i jon paśpieŭ pryśviacić svajoj Radzimie, jaje historyi knihu svajho žyćcia».

U prezentacyi biaruć udzieł siabry i adnakurśniki aŭtara, jahonaja ŭdava Nina Kavalova, a taksama salist hurtu «Stary Olsa» majstar i muzyka Aleś Čumakoŭ.

Pačatak, a 17 hadzinie.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?