U Minsku adkryłasia mastackaja vystava, pryśviečanaja 600-hodździu vialikaj bitvy.

Alej, hrafika, skulptura, kieramika, fota. Dziasiatki aŭtaraŭ — dziasiatki adlustravańniaŭ adnoj histaryčnaj padziei.

Hieohij Papłaŭski, Haŭryła Vaščanka, Uładzimir Basałyha, Aleś Mara, Mikoła Kupava… Dubrovienskaje pole, kniazi i karali VKŁ, kryžaki ŭ ciažkich łatach, litoŭskija vajary, sutyčki z vorahami. Usio heta adlustravana ŭ pracach mastakoŭ.

Vystava stała praciaham letašniaj, pryśviečanaj tysiačahodździu nazvy «Litva». Ciapier tolki abmiežavanaja kankretnaj padziejaj. Na žal, niekatoryja tvorcy iduć na mistyfikacyju. Tvory, jakija nie majuć u sabie nijakaha ŭvasableńnia Hrunvaldskaj pieramohi vydajuć za takija. Inšyja ličać, što dastatkova pravieści bieł-čyrvona-biełuju stužku na pałatnie, kab karcina adrazu stała nacyjanalnym pa duchu i ŭpisałasia ŭ ahulny šerah, adpaviedny tematycy.

Pakul asobnyja dziejačy i arhanizacyi šturchajuć dziaržavu, kab jana ŭviekaviečvała pamiać pra słaŭnuju pieramohu, mastaki stvarajuć svaje pomniki vialikaj dacie. Čaściej heta praca dla siabie, za jakuju naŭrad ci zapłacić Minkultury ci inšaja dziaržustanova. Historyja praciahvaje stvaracca asobnymi ludźmi.

Pracuje vystava da 21 listapada ŭ Pałacy mastactva.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?