Haradski sud Minska vyrašyŭ pakinuć Mikałaja Dziadka pad vartaj. Nahadajem, moładzievaha aktyvista zatrymali 3 vieraśnia. Jaho padazravali ŭ napadzie na rasijskuju ambasadu ŭ Minsku. Paźniej Dziadka abvinavacili va ŭdziele ŭ akcyi pratesta suprać vajskovych vučeńniaŭ «Zachad-2009».

Jašče dva aktyvisty taksama zastajucca za kratami — Alaksandr Franckievič i Siarhiej Ślusar. Ślusara trymajuć za kratami ŭ Babrujsku. Chłopca vinavaciać u napadzie na budynak KDB u Babrujsku ŭnačy 17 kastryčnika. Franckieviča vinavaciać u padpale milicyi ŭ Salihorsku, chulihanstva. U jaho dziejańniach niama chulihanstva, zaznačyła pravaabaronca centru «Viasna» Nasta Łojka.

«Jon pryznaŭ, što zdymaŭ na videa. Maksimum, što moža być, kali jon viedaŭ, što budzie napad, heta — niedaniasieńnie».

Niezarehistravany pravaabarončy Centr «Viasna» razam ź Mižnarodnaj fiederacyjaj pravoŭ čałavieka pryniaŭ zajavu z nahody ŭtrymańnia anarchistaŭ pad vartaj.

Ich spravy majuć palityčnaje adcieńnie, kaža staršynia «Viasny» Aleś Bialacki: «Na ich sprabujuć naviešać usich dochłych sabak. U nas heta vyklikaje vialikuju zakłapočanaść. My ličym, što ich miery ŭstrymańnia i pakarańnia nie adpaviadajuć učynkam, jakija jany ździejśnili».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?