Miarkujecca, što ŭ nastupnym hodzie na race Vabič buduć vyroščvać tavarnuju farel. Rybavodnuju haspadarku na 20 ton ryby ŭ hod buduje AAT«PMK-83 Vadbud» pablizu aŭtatrasy «Mahiloŭ-Minsk» .
Košt prajekta aceńvajecca ŭ 8,7 miljarda rubloŭ, a akupicca jon, pavodle raźlikaŭ, za 5 hadoŭ.
Dla raźviadzieńnia fareli padychodzić jakaść vady ŭ race. Da taho ž ličycca, što farel — vyhadnaja ryba: na kiłahram kambikormu jana daje kiłahram prybaŭleńnia ŭ vazie. Pobač z rybnaj haspadarkaj jość płan pabudavać ahraviosku i terytoryju dla adpačynku. Turystaŭ pryvabić sažałka dla spartyŭnaj łoŭli ryby.
Ciapier padrychtavana placoŭka dla haspadarki i pabudavany bietonnyja basiejny dla raźviadzieńnia i adkormu ryby. Uviesnu tudy źbirajucca zapuścić malkoŭ fareli.
0
0
0
0
0
0
