Utrymańnie ceziju-137 u homielskich hrybach pieravyšaje normu ŭ 30 razoŭ 3

Va ŭsich rajonach Homielskaj vobłaści šmatlikija proby pakazali, što ŭtrymańnie radyjeaktyŭnaha elemientu ceziju-137 u hrybach pieravyšaje normu amal u 30 razoŭ. Jak paviedamlaje Homielski abłasny centr hihijeny, epidemijałohii i hramadskaha zdaroŭja, u vieraśni śpiecyjalisty pravieryli bolš za 2,8 tys. prob charčovych praduktaŭ i pitnoj vady.

Ź dziaržaŭnaha siektara daśledavana 590 prob. Pieravyšeńni respublikanskich dapuščalnych uzroŭniaŭ utrymańnia radyjenuklidaŭ ceziju-137 i stroncyju-90 (RDU-99) u charčovych praduktach i pitnoj vadzie nie vyjaŭleny.

Z pryvatnaha siektara daśledavana bolš za 2,2 tys. prob charčovych praduktaŭ. Pieravyšeńni vyjaŭleny ŭ 374 probach (16,3%). Pieravyšeńni RDU-99 pa ŭtrymańni ceziju-137 zarehistravany ŭ probach miasa dzikich žyvioł u Kalinkavickim, Pietrykaŭskim, Čačerskim rajonach. Udzielnaja aktyŭnaść utrymańnia ceziju-137 skłała ad 730 da 2.183 Bk/kh pry narmatyvie 500 Bk/kh.

U probach hryboŭ śviežych i kansiervavanych z 21 rajona Homielskaj vobłaści ŭdzielnaja aktyŭnaść utrymańnia ceziju-137 skłała ad 381 da 10.890 Bk/kh pry narmatyvie 370 Bk/kh, heta značyć utrymańnie radyjenuklidaŭ pieravyšana ŭ 29 razoŭ.

U probach hryboŭ sušanych z 17 rajonaŭ vobłaści ŭdzielnaja aktyŭnaść utrymańnia ceziju-137 skłała ad 2.508 da 61.000 Bk/kh (narmatyŭ — 2.500 Bk/kh) — norma pieravyšana ŭ 24 razy.

Praviedzieny taksama daśledavańni 78 prob vady, pieravyšeńnia RDU-99 nie zarehistravana.

Na ŭtrymańnie stroncyju-90 daśledavany 104 proby charčovych praduktaŭ i vady, pieravyšeńni RDU-99 nie vyjaŭleny.

0

0

0

0

0

0

Alena Hiermanovič, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH