Kurmanbiek Bakijeŭ zajaŭlaje, što pa-raniejšamu znachodzicca na terytoryi Biełarusi. Pra heta jon paviedamiŭ pa telefonie karespandentu kirhizskaj słužby «Radyjo Svaboda».

Takim čynam jon asprečyŭ niadaŭnija paviedamleńni šerahu ŚMI, pa infarmacyi jakich Bakijeŭ vylecieŭ u Turcyju ŭ pačatku kastryčnika razam z Alaksandram Łukašenkam, jaki naviedaŭ hetuju krainu z rabočym vizitam.

«Ja čuŭ pra heta, heta niapraŭda, — skazaŭ Bakijeŭ. — Ja nikudy nie vyjazdžaŭ, ja da hetaha času ŭ Biełarusi.

Ja pavinien paŭtaryć jašče raz: ja nie płanuju viartacca ŭ Kyrhyzstan. Pakul rana padymać hetuju temu».

Na pytańnie ab tym, ci zajmajecca jon u Biełarusi biźniesam i za košt čaho ciapier žyvie, Kurmanbiek Bakijeŭ adkazaŭ: «Ja pracavaŭ u jakaści menedžera ŭ roznych miescach z 1985 hoda. Dziakujučy hetamu ŭ mianie dastatkova hrošaj, kab zabiaśpiečyć svaju siamju ŭsim».

Bakijeŭ taksama abvierh infarmacyju pra toje, što jon nibyta finansavaŭ z-za miažy tyja partyi, jakija atrymali miescy ŭ parłamiencie Kyrhyzstana na vybarach 10 kastryčnika.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?