Damovu ab stvareńni sumiesnaj vytvorčaści tralejbusaŭ padpisali Zakrytaje akcyjaniernaje tavarystva «Čarnihaŭski aŭtazavod» i biełaruskaje AAT «Biełkamunmaš».

«Pahadnieńnie pra arhanizacyju sumiesnaha pradpryjemstva pamiž „Biełkamunmašam“ i Čarnihaŭskim aŭtazavodam było padpisana 30 vieraśnia. Vypusk pieršaj sieryjnaj partyi — 10 tralejbusaŭ — zapłanavany na pieršy kvartał 2011 hoda», — skazaŭ staršynia praŭleńnia ZAT «Čarnihaŭski aŭtazavod» Valeryj Kupcoŭ siońnia ŭ Kijevie padčas VI Mižnarodnaha sałona hruzavych i kamiercyjnych aŭtamabilaŭ TIR-2010.

Pavodle słoŭ kiraŭnika čarnihaŭskaha pradpryjemstva, 51% kamplektacyi tralejbusaŭ buduć składać zapčastki ŭkrainskaj vytvorčaści. Pry hetym Valeryj Kupcoŭ adznačyŭ, što zavod z časam płanuje pavialičyć abjem vytvorčaści da 30 tralejbusaŭ u miesiac.

Adznačym, što čarnihaŭski aŭtazavod uvachodzić u skład karparacyi «Etałon» i śpiecyjalizujecca na vytvorčaści aŭtobusaŭ małoha kłasa. Kijeŭskaja karparacyja «Etałon» abjadnoŭvaje 21 pradpryjemstva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?