Sierbii daviadziecca pajści na pryznańnie niezaležnaści Kosava dziela taho kab ustupić u Jeŭrasajuz. Z takoj zajavaj u Białhradzie vystupiŭ ministr zamiežnych spravaŭ Hida Viesterviele.

Pa jaho słovach, dla ŭstupleńnia ŭ ES nieabchodna padtrymlivać zbałansavany palityčny ład. Treba dasiahnuć zamireńnia. A heta mahčyma tolki ŭ tym vypadku, kali «Sierbija prymie realnaść — niezaležnaść Kosava i jość realnaściu».

Pa słovach Viesterviele, u budučyni mahčymaje ŭrehulavańnie ciapierašnich roznahałośsiaŭ pamiž bakami i sumiesnaja praca. «Pryjdzie dzień, kali pradstaŭniki ES, Kosava i Sierbii budu siadzieć za adnym stałom», — adznačyŭ kiraŭnik zamiežnapalityčnaha viedamstva Hiermanii.

Nie abyšoŭ bokam niamiecki ministr i niadaŭniaje rašeńnie Mižnarodnaha suda AAN, jaki ŭ lipieni 2010 pastanaviŭ, što mižnarodnaje prava «nie ŭtrymlivaje zabaronaŭ na dekłaracyi ab niezaležnaści», i, takim čynam, aŭtary kosaŭskaj dekłaracyi ab niezaležnaści nie parušyli ahulnaha mižnarodnaha prava i rezalucyi 1244 Rady biaśpieki AAN ad 1999. «Rašeńnie Mižnarodnaha suda pavinna było pakłaści kaniec lubym dyskusijam» , — zajaviŭ Viesterviele.

Varta adznačyć, što ŭ kancy lipieni 2010 sierbski parłamient pradstaviŭ čarhovaje rašeńnie pa sierbskim pytańni. «Narodnaja skupščyna (parłamient) paćviardžaje, što Respublika Sierbija nikoli nie pryznaje adnabakovaje abviaščeńnie niezaležnaści Kosava», — havaryłasia ŭ dakumiencie. Tam taksama adznačajecca, što sierbski parłamient ličyć, što šlacham mirnych pieramovaŭ nieabchodna «dasiahnuć takoha rašeńnia pa Kosavie i Mietochii, jakoje b adpaviadała kanstytucyi Sierbii i zadavalniała ŭsie baki kanfliktu».

Kosava abviaściła niezaležnaść ad Sierbii ŭ 2008. Z taho času hetaje ŭtvareńnie pryznali 69 krain, u tym liku ZŠA, Vialikabrytanija, Francyja, Hiermanija. A Rasija, Kitaj, Ispanija zajavili ab pryznańni terytaryjalnaj cełasnaści Sierbii.

Varta adznačyć, što na terytoryi Kosava da hetaha času žyvie sierbskaje nasielnictva, jakoje baicca za svoj los u vypadku vyvadu miratvorcaŭ NATA.
Pytańnie ab sierbskich ankłavach ES imkniecca nie padymać.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?