3 vieraśnia adkryvajecca respublikanskaja vystava sučasnaha vyjaŭlenčaha i dekaratyŭna-prykładnoha mastactva «Ziamla pad biełymi kryłami».

Heta vialiki prajekt, jaki zakranie ŭsiu krainu. Da 15 śniežnia ŭ muziejach, vystavačnych załach i halerejach Minska i abłasnych haradoŭ buduć demanstravacca tvory sučasnych mastakoŭ.

Na dumku namieśnika ministra kultury Uładzimira Karačeŭskaha,

takoje mierapryjemstva «dazvolić vyznačyć pošuki nacyjanalnaj identyčnaści».

Admietna, što budzie pravodzicca abmien vystavami siarod abłaściej. Heta redkaja mahčymaść pahladzieć, naprykład, u Hrodnie dasiahnieńni mastakoŭ z Bresčyny.

Aficyjnaje adkryćcio «Ziamli pad biełymi kryłami» projdzie 3 vieraśnia ŭ Nacyjanalnym mastackim muziei. Dla hetaj padziei navat źniali niekatoryja pastajannyja ekspazicyi. Tut buduć vystaŭleny raboty zvyš 300 aŭtaraŭ. Heta narodnyja mastaki Biełarusi, łaŭreaty Dziaržaŭnaj premii. Asobnuju ekspazicyju składuć stypiendyjanty śpiecyjalnaha fondu prezidenta pa padtrymcy talenavitaj moładzi. Vystaŭlajucca i tvory, nabytyja muziejem za apošnija dziesiać hadoŭ.

«Ja zadavoleny, što z prychodam Paŭła Łatuški z novaj kamandaj u Minkultury vyjaŭlenčaje mastactva pastaŭlena na taki samy ŭzrovień, jak i teatralnaje, i estradnaje»,

— adznačyŭ dyrektar Nacyjanalnaha mastackaha muzieja Uładzimir Prakapcoŭ. Pa jaho słovach, heta dazvoliła pavialičyć finansavańnie na zakupku tvoraŭ u ajčynnych mastakoŭ.

Uładzimir Karačeŭski skazaŭ, što na 2011 hod na hetyja mety «nam dajuć značnuju sumu». Ale pakul jaje čynoŭnik nie śpiašajecca ahučvać.

«Pryjšoŭ čas pahladzieć na toje, što adbyvajecca, kab ruchacca dalej — ličyć prarektar na navukovaj rabocie Akademii mastactvaŭ Michaił Barazna. —

Heta nie ahlad Sajuza mastakoŭ — heta ahlad mastactva Biełarusi».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?