1 vieraśnia staŭki akcyzaŭ na ałkaholnuju pradukcyju ŭ Biełarusi pavyšajucca ŭ siarednim na 10%.
Takoje rašeńnie pryniata ŭ adpaviednaści z ukazam prezidenta № 439 ad 24 žniŭnia 2010 hoda, apublikavanym na Nacyjanalnym pravavym interniet-partale.

Staŭki akcyzaŭ na ałkaholnuju pradukcyju macunkam 28% i bolš pavialičany z 18 tys. 830 da 20 tys. 710 rubloŭ; ad 7 da 28% — z 14 tys. 240 da 15 tys. 660 rubloŭ; na kańjaki, brendzi, kalvados, kańjačnyja napoi — z 15 tys. 870 da 17 tys. 460; na macavanyja ardynarnyja i vinahradnyja (za vyklučeńniem naturalnych) viny — z 5 tys. 100 da 5 tys. 610; na viny vinahradnyja aryhinalnyja — z 22 tys. 300 da 24 tys. 530 rubloŭ.

Novyja staŭki buduć dziejničać pa 31 śniežnia 2010 hoda.

Papiarednija staŭki akcyzaŭ na ałkaholnuju pradukcyju byli ŭstanoŭleny 1 studzienia 2010 hoda ŭ adpaviednaści z dadatkam da Asablivaj častki Padatkovaha kodeksa. Tady jany ŭ siarednim vyraśli na 9%.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?