Alaksandr Trafimaŭ u Kambodžy ŭčyniaŭ dziejańni seksualnaha charaktaru z šasnaccaćciu niepaŭnahadovymi dziaŭčynkami. Siońnia apielacyjny sud skaraciŭ jamu termin źniavoleńnia z 17 hadoŭ da 8.

Malunak adnoj z achviaraŭ piedafiła

Malunak adnoj z achviaraŭ piedafiła

Trafimava aryštavali ŭ 2007, kali 6 dziaŭčynak va ŭzroście ad 6 da 13 hadoŭ abvinavacili jaho ŭ seksualnym hvałcie. Paźniej u prakuraturu źviarnułasia jašče niekalki dziaciej, i sprava suprać rasijca stała najbujniejšym u historyi Kambodžy śledstvam pa złačynstvach na hlebie piedafilii. Miž inšym vyśvietliłasia, što za seks ź niepaŭnahadovymi Trafimaŭ płaciŭ 2000 dalaraŭ.

Na troch asobnych pracesach rasijec byŭ asudžany ahułam na 17 hadoŭ, ale apielacyjny sud skaraciŭ termin źniavoleńnia da 8. «Zvažajučy na raskajańnie padsudnaha, nieabachnanaść u kambadžyjskich zakonach i ŭ śviatle jahonych pryznańniaŭ, sud ličyć, što jon zasłuhoŭvaje miakčejšaha pakarańnia», — zajaviŭ sudździa.

Na minułym tydni padčas sudovaha raźbiralnictva Trafimaŭ pryznaŭsia ŭ ažyćciaŭleńni seksualnych dziejańniaŭ u dačynieńni da 16 dziaŭčat i paprasiŭ u ichprabačeńnia.

«Siońniašni prysud ździŭlaje, i sumniajusia, što hramadskaja dumka jaho ŭchvalić», — prakamientavaŭ vynik raźbiralnictva advakat achviaraŭ.

Alaksandr Trafimaŭ — prezident kampanii Koh Pos Investment, jakaja ŭ 2006 atrymała dazvoł na budavańnie ŭ Kambodžy hatelevaha kompleksu kłasu luks. Inviestycyi skłali $300 młn.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?