Realnaja naličanaja zarpłata (raźličanaja z ulikam rostu spažyvieckich cen na tavary i pasłuhi) ŭ lipieni 2010 hoda ŭ paraŭnańni z červieniem pavialičyłasia na 3,6%. Takija źviestki abnarodavaŭ Nacyjanalny statystyčny kamitet.

studzieni-lipieni 2010 hoda ŭ paraŭnańni sa studzieniem-lipieniem 2009 hoda realnaja zarpłata pavialičyłasia na 9,4%.

Naminalnaja naličanaja siaredniamiesiačnaja zarpłata ŭ Biełarusi ŭ lipieni hetaha hoda skłała 1 młn. 282,8 rubloŭ i ŭ paraŭnańni z červieniem uzrasła na 3,9% (na 47,8 tys. rubloŭ). U studzieni-lipieni naminalnaja naličanaja siaredniamiesiačnaja zarabotnaja płata skłała 1 młn. 130,1 tys. rubloŭ.

Na pramysłovych pradpryjemstvach siaredniaja zarpłata ŭ lipieni skłała 1 młn. 399,2 tys. rubloŭ, u budaŭničych arhanizacyjach — 1 młn. 708,9 tys., u arhanizacyjach transpartu — 1 młn. 565,3 tys., sielskaj haspadarki — 922,6 tys., handlu i hramadskaha charčavańnia — 1 młn. 125,6 tys. Rabotniki ŭstanoŭ achovy zdaroŭja ŭ lipieni atrymali ŭ siarednim 1 młn. 2 tys. rubloŭ, u tym liku ŭračy — 1 młn. 698,9 tys., siaredni miedpiersanał — 977,6 tys., ustanoŭ adukacyi — 842,3 tys. rubloŭ, u tym liku nastaŭniki — 945,8 tys., prafiesarska-vykładčycki skład — 1 młn. 650,3 tys. rubloŭ.

Maksimalny pamier siaredniaj zarpłaty ŭ lipieni pa asobnych halinach byŭ zafiksavany ŭ rabotnikaŭ navuki i navukovaha supravadžeńnia — 1 młn. 712 tys. rubloŭ, minimalny — u rabotnikaŭ saczabieśpiačeńnia (743 tys. rubloŭ).

Pa rehijonach maksimalny pamier siaredniaj zarpłaty ŭ lipieni adznačany ŭ Minsku — 1 młn. 659,6 tys. rubloŭ, minimalny — u Viciebskaj vobłaści (1 młn. 145,4 tys. rubloŭ). U Bresckaj vobłaści siaredniaja zarpłata skłała 1 młn. 156 tys. rubloŭ, Homielskaj — 1 młn. 204,1 tys., Hrodzienskaj — 1 młn. 172,9 tys., Minskaj — 1 młn. 278 tys., Mahiloŭskaj — 1 młn. 154 tys. rubloŭ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?