Siabra Haradzienskaj haradzkoj tapanimičnaj kamisii Viačasłaŭ Švied ličyć, što pamiać Vasila Bykava rana ci pozna budzie ŭšanavanaja ŭ horadzie, dzie jon pražyŭ značnuju častku žyćcia i napisaŭ svaje viadomyja knihi.

Adnak rašeńnie kamisii nakont vulicy Bykava pakul znachodzicca ŭ zamarožanym stanie. Čynoŭniki spasyłajucca na «jurydyčnyja momanty», ale abiacajuć uklučyć hetaje pytańnie, datyčnaje Narodnaha piśmieńnika Biełarusi, u novuju redakcyju haradzkoj prahramy «Spadčyna», što budzie prymacca ŭvosień na 2011–15 hady.

Doktar histaryčnych navuk prafesar Viačasłaŭ Švied zaznačaje, što kali jany pryniali rašeńnie nazvać novuju vulicu za Niomanam imiem Vasila Bykava, u jaho zastałasia ŭpeŭnienaść, što haradzkija ŭłady vykanajuć heta. Na novaj vulicy pabudavany žyły hmach, i jašče try budujucca, praŭda, u pašparcie abjektu paznačana, što jany majuć kankretny adras — na vulicy Papoviča, jakaja znachodzicca pobač. Spadar Švied nia ličyć heta pieraškodaj, jon nahadvaje, što pakul tam niama ni žycharoŭ, ni firmaŭ, tamu budaŭničy adras niaciažka zamianić na paštovy, prosta treba zaćvierdzić nazvu vulicy — imia Vasila Bykava.

Jak kaža prafesar Švied, na žal, ciapier ad tapanimičnaj kamisii bolš ničoha nie zaležyć, paskoryć spravu mohuć tolki sami čynoŭniki, kali buduć mieć dobruju volu. Chadzić i znoŭ prasić nakont vulicy Bykava niama sensu, možna budzie tolki na nastupnym pasiadžeńni tapanimičnaj kamisii zapytacca, čamu novaja nazva nie zaćvierdžanaja, i kali heta budzie zroblena.

Prafesar taksama miarkuje, što memaryjalnuju šyldu nieabaviazkova macavać na adnym z damoŭ, dzie kaliści žyŭ Vasil Bykaŭ, pakolki žychary suprać hetaha. Heta možna zrabić na ścianie adnaho z dvuch budynkaŭ, dzie raźmiaščałasia abłasnaja hazeta «Hrodzienskaja praŭda», u jakoj pracavaŭ piśmieńnik.

Nahadajem, što aktyvisty Ruchu «Havary praŭdu!» pieradali ŭ Haradzienski harvykankam bolš za siem tysiač podpisaŭ u padtrymku vulicy Vasila Bykava.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?