Łukašenka daŭ daručeńnie uradu, abłvykankamam i Minskamu harvykankamu akazać usiebakovuju dapamohu Ryžskaj biełaruskaj škole. Pra heta paviedamiła pres-słužba Administracyi prezidenta.

Dla arhanizacyi pracy na vysokim uzroŭni škoła ŭ Ryzie atrymaje ź Biełarusi meblu, navučalnaje abstalavańnie, kamputary, spartyŭny invientar, padručniki, cacki i ŭsio, što treba dla paŭnavartasnaj vučoby i volnaha času.

Kiraŭnik dziaržavy daručyŭ taksama arhanizavać štohadovy adpačynak navučencaŭ Ryžskaj biełaruskaj škoły ŭ Nacyjanalnym dziciačym adukacyjna-azdaraŭlenčym centry «Zubrania» i ich ekskursii ŭ Biełaruś, a taksama aohinizavać zaprašeńni dla ryžskich školnikaŭ na dabračynnaje navahodniaje śviata ŭ ramkach akcyi «Našy dzieci».

Ryžskaja biełaruskaja škoła była stvoranaja ŭ 1994 hodzie. Heta adzinaja biełaruskaja škoła ŭ Łatvii. Kolkaść žadajučych atrymać adukacyju ŭ joj pastajanna raście. U ciapierašni čas tam navučajecca 130 dziaciej, 70% ź jakich — etničnyja biełarusy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?