Idealny paluboŭnik, muž i zalotnik majuć roznyja hrupy kryvi.

Jość teoryja, što kožnaja z čatyroch hrupaŭ kryvi nadaje svajmu ŭładalniku admietnyja ŭłaścivaści, što robiać jaho najbolš prydatnym da seksu, siamiejnaha žyćcia, intryhaŭ ci flirtu.

I hrupa kryvi — seks‑marafon

Žančyny. Asoby ź pieršaj hrupaj kryvi nie viedajuć, što značyć šmat seksu. Kab utajmavać vaš šalony tempieramient, mužčynie daviadziecca niamała papracavać. Vy zdolnyja davieści jaho da poŭnaj, ale takoj pryjemnaj źniamohi. Vy strašenna pryciahalnaja, adnak i nie mienš raŭnivaja. Lepšy srodak dla vašaha partniora dakazać svaju addanaść — jak maha macniej ścisnuć vas u abdymkach.

Mužčyny. U mastactvie spakusy vy — sapraŭdny Kazanova. Vy ŭmiejecie i lubicie damahacca kachańnia žančyny, tamu vam najbolš impanujuć partniorki, jakija dajuć mahčymaść prademanstravać vaš talent zavajoŭnika. Adnak i tady, kali vy narešcie dasiahniacie svajho, vaša abrańnica nie budzie rasčaravanaj: vy cudoŭny paluboŭnik.

II hrupa kryvi — siamiejnaja idylija

Žančyny. Žonki lepiej za vas nie adšukać. Luboŭ, addanaść, kłopat — heta ŭsio ŭłaściva vam jak nikomu. A voś jak paluboŭnica vy zališnie saramlivaja, praźmierna niedavierlivaja i biespadstaŭna padazronaja. Ź ciažkaściu dazvalajecie sabie zakachacca i redka rašajeciesia pieršaj pryznacca mužčynie ŭ hetym.

Mužčyny. Vy nadzvyčaj saramlivyja, svaje pačućci vykazvajecie adno pozirkam i lohkim dakranańniem ruki. Kali ž vyrašajecie prajavić siabie, to robicie heta bieź lišnich revieransaŭ. U siamiejnym žyćci vaša partniorka pavinna ŭvieś čas davodzić, što jana vas kachaje, tady vy zastaniaciesia joj viernym praz usio žyćcio.

III hrupa kryvi — karnavał intryhaŭ

Žančyny. U adnosinach z mužčynami vy zaŭsiody imkniecca być jarkaj i ekstravahantnaj. Heta časam prymušaje partniora ŭsumnicca ŭ vašaj viernaści. Daremna. Vy viernaja i addanaja paluboŭnica, a tym bolej žonka. Prosta ŭ kachańni vam patrebna brać inicyjatyvu ŭ svaje ruki. Asabliva, kali vaš partnior taksama maje 3 hrupu kryvi. Bo tady dla jaho seks — nie hałoŭnaje ŭ žyćci. Začarujcie jaho — i jon budzie ščaślivy i ŭdziačny vam za vašyja namahańni.

Mužčyny. Vy cudoŭny zvadnik, tamu vas časta prymajuć za Don‑Žuana. Adnak kamu, jak nie vam viedać, što heta nie vaš vobraz. Dalej miłosnych intryhaŭ vy nie idziacie, tamu što … baiciesia kachańnia. Z vami treba nie flirtam zajmacca, a vychodzić za vas zamuž. Vy budziecie niadrennym mužam, tolki zredku parušajučy šlubnuju viernaść.

IV hrupa kryvi — pryciahalnyja zalotniki

Žančyny. Biassprečna, seksualnaści vam nie zajmać. Vy pryciahvajecie pozirki mužčyn, ale ŭ ich mała šancaŭ damahčysia vašaj prychilnaści — zanadta ŭžo vy patrabavalnaja, chočacie, kab vam nadavali šmat uvahi. Adnak kali znojdziecca toj partnior, jaki nie paškaduje času i siłaŭ, kab utajmavać vaš noraŭ, vy pakorliva addaściesia ŭ jaho ruki.

Mužčyny. Vaš mahnietyzm nie paddajecca apisańniu. Vy nievierahodna pryciahvajecie žančyn, ŭmiejecie začaroŭvać i zavajoŭvać ich. Vy — hałantny kavaler i majsterski paluboŭnik. U kampanii słaboha połu adčuvajecie siabie, jak ryba ŭ vadzie. Zrešty, vy amal nikoli surjozna nie addajaciesia pačućciam. Dla vas kachańnie — heta, pierš za ŭsio, seks, jakim vy možacie zajmacca biaskonca i, u pryncypie, usio roŭna z kim.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?