Ciaham apošnich troch tydniaŭ nievialikaja vioska Šyrokaja stała adnym z centraŭ zmahańnia ludziej za svaje pravy. Kiraŭnictva Lidy (Šyrokaja znachodzicca litaralna na miažy horadu) vyrašyła pabudavać škodnaje chimičnaje pradpryjemstva praktyčna ŭ vioscy. Što rabić jaje žycharam, nieviadoma.

Na sustreču ź Niaklajevym pryjšło kala 30 žycharoŭ.

Na sustreču ź Niaklajevym pryjšło kala 30 žycharoŭ.

Ludzi napieraboj havaryli ab nabalełym.

Ludzi napieraboj havaryli ab nabalełym.

Uładzimir Niaklajeŭ staŭ pieršym ź lideraŭ niezaležnaha hramadstva, jakija pryjechali siudy. I sustreča vyklikała sapraŭdny ažyjataž — niahledziačy na pracoŭny dzień, na jaje pryjšło kala 30 žycharoŭ. Dla nievialikaj vioski heta vielmi šmat.

Sustreča, što simvalična, adbyvałasia la kryža. Ludzi napieraboj havaryli ab nabalełym: drennaj ekałahičnaj abstanoŭcy, ździekach haradskoha i miascovaha načalstva i adsutnaści dapamohi. Asabliva zaŭvažnaj ŭ pramovach viaskoŭcaŭ była ahida da načalstva.

«Jany nas ludźmi nie ličać. My nie bydła» — hetyja słovy paŭtaraŭ kožny druhi.

Žychary Šyrokaj bolš za hadzinu raspaviadali ab nabalełym. Paśla čaho U.Niaklajeŭ i aktyvisty kampanii «Havary praŭdu» pavieźli ŭ harvykankam zvarot i podpisy žycharoŭ Šyrokaj i navakolnych viosak, u jakim tyja vykazvali svajo niežadańnie žyć pobač sa škodnym zavodam. Padpisałasia pad zvarotam bolš za dźvie tysiačy čałaviek.

U lidskim harvykankamie vizitu jaŭna nie čakali. Pierapałochany milicyjanier zabaraniŭ fatahrafavać dy źnik u nietrach budynka, šukajučy adpaviednaha čynoŭnika. Čynoŭnik znajšoŭsia, zvarot i podpisy ŭziaŭ dy paabiacaŭ dać adkaz na praciahu miesiaca.

Zastajecca spadziavacca, što podpisy dvuch tysiač čałaviek nie źniknuć u verchale padrychtovak da Dažynak. Chacia, ŭličvajučy staŭleńnie lidskich uładaŭ da žycharoŭ Šyrokaj, takoje taksama mahčyma.

Padrabiaźniej ab prablemie vioski Šyrokaja i navakolla hladzicie tut i tut.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?