Eŭrakamisar u pytańniach enerhietyki Hiunter Otynhier u telefonnaj razmovie ź ministram enerhietyki Rasiei Siarhiejem Šmatko i pieršym vice‑premjeram biełaruskaha ŭradu Ŭładzimieram Siamaškam zajaviŭ, što Eŭropa nie pavinna stać zakładnicaj hazavaha kanfliktu pamiž Rasiejaj i Biełaruśsiu.

«My patrabujem ad abodvuch bakoŭ dobrasumlenna supracoŭničać, kab vyrašyć prablemu. Eŭrakamisija čakaje, što hazavyja patoki z Rasiei ŭ Eŭraźviaz ŭ kirunku kožnaj z zacikaŭlenych dziaržavaŭ nie paciarpiać i kantraktnyja abaviazańni buduć vykananyja», — zajaviŭ Otynhier.

Tym časam stała viadoma, što Biełaruś šukaje alternatyŭnyja šlachi pastavak paliva. U Vilni adbylisia pieramovy pradstaŭnikoŭ ministerstvaŭ enerhietyki Litvy i Biełarusi, vynikam jakich stała pryncypovaja zhoda litoŭskaha boku sumiesnaha vykarystańnia terminału zvadkavanaha hazu, jaki ciapier budujecca. «My hatovyja dapamahčy, uličvajučy intaresy Biełarusi», — skazaŭ ministar enerhietyki Litvy Arvidas Siekmokas.

Miždziaržaŭnyja kansultacyi nieŭzabavie buduć praciahnutyja.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?