Delehacyja dziełavych kołaŭ Hiermanii naviedaje Minsk 20–22 červienia, paviedamili BiełaPAN u staličnym adździaleńni Biełaruskaj handlova-pramysłovaj pałaty.

U składzie delehacyi — pradstaŭniki Fiederalnaha ministerstva ekanomiki i technałohii, Centra dziełavoha supracoŭnictva z krainami Uschodniaj Jeŭropy, fiederalnaj ziamli Rejnłand-Pfalc, a taksama kiraŭniki dzieviaci niamieckich pradpryjemstvaŭ ź ziamiel Rejnłand-Pfalc i Saar. Hetyja pradpryjemstvy pracujuć u roznych halinach pramysłovaści. Heta, u pryvatnaści, vytvorčaść pramysłovaha abstalavańnia, zvaračnych materyjałaŭ, samaklejnych praduktaŭ, reziervuaraŭ dla zachoŭvańnia chimična aktyŭnych rečyvaŭ i naftapraduktaŭ, filtravalnych ustanovak i sieparataraŭ dla ačystki vady, juvielirnych upryhažeńniaŭ, hruzapieravozki i inš.

Uznačalić delehacyju hienieralny dyrektar COMMIT Project Partners GmbH (Bierlin) Hieryt Šmiter.

Meta vizitu — praviadzieńnie dziełavych pieramoŭ pamiž pradstaŭnikami hiermanskaha i biełaruskaha biźniesu, zacikaŭlenymi ŭ inviestavańni, realizacyi sumiesnych prajektaŭ, raźvićcio ŭzajemavyhadnaha supracoŭnictva. Kantaktna-kaapieracyjnaja birža z udziełam pradstaŭnikoŭ niamieckich i biełaruskich pradpryjemstvaŭ adbudziecca ŭ Minskim adździaleńni BiełHPP 21 červienia.

Niamieckaja kampanija COMMIT (Tavarystva pa mižnarodnym ekanamičnym i navukovym supracoŭnictvie ziamli Baden-Viurtembierh) źjaŭlajecca adnoj ź piaci arhanizacyi — partnioraŭ Minskaha adździaleńnia BiełHPP u Hiermanii. Pahadnieńnie ab supracoŭnictvie pamiž imi padpisana ŭ śniežni 2009 hoda.

Arhanizatary ekanamičnaj misii ź niamieckaha boku adznačajuć, što Biełaruś «pa-raniejšamu nie ŭsprymajecca niamieckimi kampanijami jak surjozny źniešniehandlovy partnior i znachodzicca ŭ cieni ŭ paraŭnańni sa svaim uschodnim susiedam». U realnaści kraina «surjozna zacikaŭlena ŭ pašyreńni supracoŭnictva z Zachodniaj Jeŭropaj».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?