U horadzie z 2008 hodu źjaŭlajucca nieafašysckija nadpisy. Milicyja padazraje ŭ hetym... maładafrontaŭcaŭ, jakija nibyta hurtujucca na ofisie byłoj «Viasny».

Źmicier Sałaŭjoŭ źjaŭlajecca staršyniom filijału pravaabarončaha centru «Viasna» u Navapołacku. Na praciahu 2008‑09 hadoŭ pravaabaronca trojčy źviartaŭsia ŭ prakuraturu Navapołacku z patrabavańniem zavieści kryminalnuju spravu i znajści fašystaŭ, jakija razmaloŭvajuć horad. Adkazam byli adpiski ab adsutnaści składu kryminalnaha złačynstva dy niemahčymaść vyjavić asoby złačyncaŭ.

Paśla vybaraŭ u miascovyja saviety ŭłady pačali bolš ščylna zajmacca prablemaju. Była zaviedziena kryminalnaja sprava pa artykułu 341 KK RB — «Apahańvańnie budynkaŭ i psavańnie majomaści». U źjaŭleńni svastyki dy antysiemickich łozunhaŭ milicyjanty abvinavacili «Małady front» i, kirujučysia ŭłasnaj łohikaju, praviali 30 krasavika vobšuk na ofisie byłoj «Viasny». Pieratrus pravodziŭsia z sankcyi prakurora horada Anatola Aŭsiuka i načalnika adździeła kryminalnaha vyšuku Navapołackaha HAUS Karenskaha V.

U adkaz na skarhu ab nieabhruntavanym pieratrusie haradski prakuror A. Aŭsiuk zaznačyŭ: «Pa dadzienaj spravie byŭ dapytany šerah asobaŭ, adzin ź ich pakazaŭ, što kala dvuch hadoŭ tamu paznajomiŭsia z chłopcami, jakija prapanavali stać siabram arhanizacyi «Małady Front».
Ofis arhanizacyi raźmiaščaŭsia pa adrasie: h.Navapołack, vuł. Alimpijskaja, 2, — na pieršym paviersie, źleva ad uvachodu i ŭjaŭlaŭ saboj pakoj, dzie stajali niekalki stałoŭ, kamputar, roznyja knihi, ściahi roznych dziaržavaŭ. Uvosień 2009 h., pa prośbie chłopcaŭ, jon namalavaŭ fašysckuju svastyku na ścianie ofisu na vulicy…»

Na ofisie navapołackaj «Viasny» ładziacca kulturnickija imprezy, sustrečy z hramadskimi dziejačami. Da Źmitra Sałaŭjova źviartajucca ludzi, jakim nieabchodna pravaabarončaja dy jurydyčnaja dapamoha. Ścieny ofisu nasamreč nieadnarazova razmaloŭvali nieafašysty. Zaraz u apahańvańni ułasnych ścienaŭ abvinavačvajuć uładalnika ofisu.

«Vidavočnaja pravakacyja. Pišuć, niby nadpisy źjavilisia ŭvosień 2009 h, a jany byli i raniej, — kamientuje padziei Źmicier Sałaŭjoŭ. — Nie viedaju, što za pravakatar kazaŭ pra naš ofis — heta ichnija prablemy.
My, viadoma, nikoha nie nakiroŭvali razmaloŭvać ścieny. Chutčej naadvarot, nieadnarazova źviartalisia z prośbaju znajści złačyncaŭ».
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?