Bolšaść spraŭ ab ekanamičnaj niepłaciežazdolnaści (bankructvie) u studzieni—mai hetaha hoda prypadała na pradpryjemstvy pryvatnaj formy ŭłasnaści.

Zhodna sa źviestkami, abnarodavanymi Vyšejšym haspadarčym sudom (VHS), pavodle vynikaŭ piaci miesiacaŭ kolkaść spraŭ ab bankructvie pradpryjemstvaŭ skłała 1.490. Ź ich 1.419 spraŭ tyčylisia bankructva pryvatnych pradpryjemstvaŭ (95,2%), 71 — dziaržaŭnych, a taksama arhanizacyj, jakija majuć u statutnym fondzie dolu dziaržułasnaści. U ich liku byli horadaŭtvaralnyja, biudžetaŭtvaralnyja i sistemaŭtvaralnyja arhanizacyi, adznačaje VHS.

734 spravy ab bankructvie (49,2%) znachodzilisia ŭ sudavodstvie haspadarčaha suda Minska.

Kolkaść spraŭ, pa jakich pryniata rašeńnie ab bankructvie ź likvidacyjaj, bolš čym u try razy pieravyšaje kolkaść tych, pa jakich vyniesiena rašeńnie ab ekanamičnaj niepłaciežazdolnaści z sanacyjaj.

U mai raspačata sudavodstva pa spravie ab ekanamičnaj niepłaciežazdolnaści respublikanskaha handlovaha unitarnaha pradpryjemstva »Biełaruszamiežhandal», AAT «Maładziečna hramadskaje charčavańnie». Zavieršana likvidacyjnaja vytvorčaść pa spravie Byčychinskaha lnozavoda (Viciebskaja vobłaść), adkryta likvidacyjnaja sprava adnosna kamiercyjnaha handlovaha daččynaha unitarnaha pradpryjemstva «Słonimski handlovy centr» (Hrodzienskaja vobłaść).

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?