Vizit prezidenta Biełarusi ŭ Iran zapłanavany na kastryčnik. Pra heta paviedamiŭ pasoł Irana ŭ Biełarusi Siejed Abdała Chasiejni na pres‑kanfierencyi ŭ Minsku 15 červienia.

«Spadar Łukašenka chacieŭ, kab jaho pajezdka ŭ Iran supała z adkryćciom prajekta «Džafiejr». Ja maju na ŭvazie mienavita adkryćcio pramysłovaj zdabyčy nafty», — skazaŭ pasoł.

Pakul, adznačyŭ jon, jašče nie ŭsio hatova da takoha adkryćcia. «Chutčej za ŭsio, usio budzie padrychtavana da kastryčnika, tady i adbudziecca pajezdka», — dadaŭ dypłamat.

Pavodle mierkavańnia Chasiejni, Biełaruś i Iran paśpiachova raźvivajuć supracoŭnictva pa ŭsich napramkach. «U nas niama nijakich abmiežavańniaŭ pa supracoŭnictvie ź Biełaruśsiu. My ŭ luboj śfiery hatovy akazać dapamohu, kali nas paprosiać», — zapeŭniŭ jon.

Adkazvajučy na pytańnie ab mahčymaści pastavak u Biełaruś iranskaj nafty ŭ suviazi ź viadomymi prablemami ŭ biełaruska‑rasijskich adnosinach, dypłamat skazaŭ: «Rasija i Biełaruś dla nas źjaŭlajucca siabrami.

Naftavaje pytańnie — heta prablema pamiž dvuma susiedziami, i my starajemsia ŭ heta nie ŭmiešvacca. Hetuju prablemu jany sami vyrašać. Ale lubuju dapamohu, jakuju prosić Biełaruś, my hatovy akazać».

Udzieł Biełarusi ŭ raspracoŭcy iranskich naftavych radoviščaŭ praduhledžany miemarandumam ab supracoŭnictvie ŭ śfiery enierhietyki, padpisanym padčas vizitu ŭ Iran Alaksandra Łukašenki ŭ listapadzie 2006 hoda.

U listapadzie 2009 hoda premjer‑ministr Biełarusi Siarhiej Sidorski na sustrečy z kiraŭnikom Centralnaha banka Irana Machmudam Bachmani ŭ Minsku paviedamiŭ, što biełaruski bok užo raspačaŭ realizacyju prajekta «Džafiejr».

U kancy studzienia hetaha hoda pieršy vice‑premjer Biełarusi Uładzimir Siamaška padčas pieramoŭ z kiraŭnikom Administracyi prezidenta Irana Esfandźjaram Rachimam Mašai zajaviŭ, što sumiesny prajekt pa zdabyčy nafty na radoviščy Džafiejr pačnie davać addaču praz paŭtara‑dva hady.

«Dla Biełarusi nadzvyčaj aktualnaja tema zdabyčy nafty i jaje realizacyja na suśvietnych rynkach», — padkreśliŭ Siamaška i vykazaŭ udziačnaść kiraŭnictva Irana za mahčymaść zdabyčy nafty i jaje dalejšaha prodažu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?