Premjer‑ministr Biełarusi Siarhiej Sidorski prapanuje ŭkaraniać ekanamičnyja miechanizmy stymulavańnia raźvićcia bieznajaŭnych raźlikaŭ. Pra heta jon zajaviŭ siońnia na pasiadžeńni Prezidyuma Savieta Ministraŭ, dzie razhladaŭsia chod vykanańnia Dziaržaŭnaj prahramy raźvićcia techničnaj infrastruktury, što zabiaśpiečvaje vykarystańnie bankaŭskich płastykavych kartak, na 2006‑2010 hady.

Namieśnik premjer‑ministra Andrej Kabiakoŭ, vystupajučy na pasiadžeńni, adznačyŭ, što jašče ŭ 2007 hodzie było pryniata pryncypovaje rašeńnie pa źnižeńniu bankaŭskaj kamisijnaj płaty za ekvajrynh — z 2,5 pracenta da 0,3‑0,5 pracenta, heta značyć u 5‑8 razoŭ. «Takim čynam, my zraŭnavali raschody na ekvajrynh z koštam inkasacyi najaŭnych hrašovych srodkaŭ», — rastłumačyŭ jon. Kali inkasacyja była ŭ 5 razoŭ tańniejšaja za ekvajrynh, handal admaŭlaŭsia ad pierachodu na vykarystańnie bankaŭskich płastykavych kartak, pakolki jamu heta było niavyhadna.

«My ŭ hetym režymie prapracavali 2 hady, atrymali značnyja vyniki. Ale my pavinny iści dalej, zrabić tak, kab inkasacyja stała daražejšaja pracentaŭ na 20, čym ekvajrynh. Kali pieršy krok zrobleny za košt bankaŭ, to nastupny krok nieabchodna zrabić za košt pradpryjemstvaŭ handlu. Treba zrabić tak, kab była bolš vyhadnaj rabota ź bieznajaŭnymi hrašyma, a nie z najaŭnymi. Heta budzie dobrym stymułam dla handlu da praviadzieńnia roznych kampanij, kab ludzi ŭ maksimalnaj stupieni vykarystoŭvali płastykavyja kartki ŭ raźlikach», — padkreśliŭ Andrej Kabiakoŭ. Bolš taho, u bolšaści zamiežnych krain inkasacyja źjaŭlajecca samaj darahoj pasłuhaj.

Heta pytańnie nieadnarazova razhladałasia va ŭradzie na pasiadžeńniach rabočaj hrupy z pradstaŭnikami Nacyjanalnaha banka, adnak zhody da hetaha času dasiahnuć nie ŭdałosia. Nacbank nastojvaje na tym, kab apieracyi pa ekvajrynhu zastavalisia krychu daražejšyja za inkasacyju. A dla raźvićcia bieznajaŭnych płaciažoŭ Nacbank prapanuje davieści da abjektaŭ handlu adpaviednyja pakazčyki pa bieznajaŭnych płaciažach.

Siarhiej Sidorski padtrymaŭ prapanovu Andreja Kabiakova. «Raźvićcio bieznajaŭnych płaciažoŭ treba stymulavać rynačnymi miechanizmami. Nacyjanalnamu banku treba zabyvać pazicyju płanaŭ. U śviecie nichto nikomu nijakich płanaŭ nie davodzić», — skazaŭ premjer‑ministr.

«Pa raźvićciu infrastruktury bieznajaŭnych płaciažoŭ my ŭžo niadrenna rušyli napierad, zastałosia paviarnuć śviadomaść ludziej», — dadaŭ Andrej Kabiakoŭ.

U cełym mierapryjemstvy dziaržaŭnaj prahramy zabiaśpiečvajucca, a pa šerahu pakazčykaŭ faktyčnaje vykanańnie navat pierasiahaje zapłanavanyja paramietry. Usiaho pa stanu na 1 krasavika 2010 hoda bankami Biełarusi było emitavana 7,9 młn. płastykavych kartak, ustanoŭlena 2748 bankamataŭ, 3071 infakijosk, 21689 płaciežnych terminałaŭ.

Razam z tym Andrej Kabiakoŭ ličyć, što dasiahnieńnie 30‑pracentnaj doli bieznajaŭnych raźlikaŭ da kanca 2010 hoda nierealna. U suviazi z hetym prapanujecca skarekciravać hety pakazčyk.

Na 1 studzienia 2010 hoda dola bieznajaŭnych raźlikaŭ za akazanyja nasielnictvu pasłuhi skłała 8,7 pracenta, a ŭ ahulnym abjomie roźničnaha tavaraabarotu — 5,5 pracenta. Pa vynikach 2009 hoda dola bieznajaŭnaj apłaty ŭ ahulnaj sumie apieracyj z kartkami ŭ Biełarusi skłała 11,4 pracenta, a kolkaść bieznajaŭnych apieracyj — 45,3 pracenta ad ahulnaha abjomu apieracyj z kartkami. U Rasii, naprykład, hetyja pakazčyki roŭnyja 9,2 pracenta i 28,2 pracenta, va Ukrainie — 5,2 pracenta i 13,1 pracenta adpaviedna. Takim čynam, uzrovień bieznajaŭnych raźlikaŭ u Biełarusi źjaŭlajecca adnym z samych vysokich u krainach, jakija majuć padobnyja startavyja ŭmovy dla raźvićcia takoha vidu pasłuh.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?