Kali biełarus nie jedzie ŭ Iran, dyk Iran idzie da biełarusa. Hetak pastanavili ŭ iranskim pasolstvie ŭ Respublicy Biełaruś i 14 červienia ŭ minskim Pałacy mastactva raspačali tydzień iranskaj kultury.

1. Nieviadomy Iran

Vytančanyja arabieski, raźbianyja arnamienty i tkanyja kilimy. Uvieś (vy)tvorčy praces adbyvajecca na vašych vačach, i sioje-toje možna navat atrymać u darunak. Dla ŭdziełu ŭ hetaj kulturnaj padziei ŭ Minsk ź Iranu pryjechali bolš za 50 majstroŭ: raźbiary, kalihrafy, mastaki, hančary.

Pałac mastactva ŭ dzień adkryćcia iranskaj imprezy nahadvaŭ chutčej uschodni bazar. Na vystavie pachadžvali žančyny ŭ strakatych chustkach (siarod ich byli nie tolki iranki, ale i biełaruski) i padkreślena elehantnyja smuhlavyja mužčyny. Byli ludzi ŭ bieduinskich bałachonach i mužčyny u čałmach. Akramia irancaŭ adkryćcio naviedali pradstaŭniki arabskaj, armianskaj, aziejrbajdžanskaj i tureckaj dyjasparaŭ. Na sustrečy byli zaŭvažanyja Lidzija Jarmošyna dy inšyja dziaržsłužboŭcy.

2. ...Zamiž piersidskaha ŭzora

Irancy haścinna vitali naviednikaŭ: nalivali cynamonavuju harbatu i traktavali ŭschodnimi słodyčami, namahajučysia, kab siarod bujańnia piersidčyny biełarusy pačuvalisia jak doma: naprykład, padčas abviaščeńnia čarhovaha vystupoŭcy sa sceny było skazali, što zaraz vystupić «pradstaŭnik Tehieranskaha harvykankamu».

I tče, zabyŭšysia, ruka… Na vystavie možna było pabačyć aryhinalnyja piersidskija pajasy, ź jakich u svoj čas brali prykład słuckija tkačy. Z łaskavaj zhody tehieranskaj majstrychi dazvalałasia padydžeić na hančarnym kole.

I, viadoma, kalihrafija. Usim achvočym pisali ichniaje imia arabskaj viaźziu. U Iranie isnuje niekalki škołaŭ kalihrafii: pendźlami, admysłovymi pałačkami, a pryhožapisańnie jak pradmiet navat vykładajuć u škole. Musulmanskaja kultura, što hetak paŭpłyvała na iranskuju, zabaraniaje malavańnie ludskich tvaraŭ. Irancy nie zaŭsiody pilnavalisia hetaj zabarony, tamu stvarali šedeŭry jak u tradycyjnym žyvapisie, tak i ŭ malavańni mudrahielistych, pracajomistych arnamientaŭ. Uvohule, Iran — heta niekalki tysiačahodździaŭ kultury, i akramia musulmanskaj kultury na piersidskuju kulturu mieli ŭpłyŭ starahreckaja, ciurkskaja, a taksama relihija zaraastryzmu.

Vystava fotazdymkaŭ najbolšych turystyčnych słavutaściaŭ Iranu: mahiły Amara Chajama, krušniaŭ staražytnych haradoŭ Mižrečča i kalarovaj mazaiki.

Na tydni iranskaj kultury možna taksama nabyć niedarahija, ale stylovyja iranskija tavary. Prykład: bavaŭnianaja aryhinalnaja kašula z arnamientam kaštuje ŭsiaho 20 dalaraŭ.

Śviata iranskaj kultury praciahniecca jašče piać dzion i na im čakajecca šmat kulturnych padziej. Naprykład, siońnia viečaram (15 červienia) u Pałacy mastactva adbudziecca majsterskaje śpiavańnie nacyjanalnaha epasu piersidskich narodaŭ «Šachname».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?