Papularny hurt «Dziecidziaciej» vyrašyŭ vypravicca ŭ «biesterminovy adpačynak». Pra heta napisana

ŭ admysłovym zvarocie da prychilnikaŭ na aficyjnaj staroncy hurtu.

«Viedajučy, jak mocna vy nas lubicie, jak vierycie ŭ nas… ...my prosim vas ab razumieńni i ciarpieńni, — kažacca ŭ zvarocie. — Vam (jak i nam) pakul ciažka heta ŭjavić, ale dajcie viery: heta sapraŭdy nieabchodna. My dumajem pra vas, mocna lubiačy i ceniačy ŭsio, što vy dla nas zrabili i praciahvajecie rabić. Dziakuj...»

Ad kamientaroŭ salistka hurtu Hanna Chitryk ustrymałasia, ale hitaryst Źmicier Jesianievič u intervju muzyčnamu partału «Tuzin Hitoŭ» byŭ bolš adkryty.

«Kali my byli by mudrejšymi, to pieražyli by hety kryzis, — kaža Jesianievič. — Va ŭsim vinavatyja maładušnaść i hanarlivaść, jakija apanavali ŭsich nas traich. U peŭny čas my pačali razdražniać adzin adnaho. Tamu syjšlisia na tym, što treba ŭziać pauzu».

Zasnavany ŭ 2006 h., hurt «Dziecidziaciej» hraje lohki rok. Siarod inšych hrupaŭ «DzDz» vyłučajucca dalikatnaściu akustyčnaha hučańnia i vytančanaściu tekstaŭ. Zusim niadaŭna hurt vydaŭ całkam biełaruskamoŭny albom «Ruch», jaki ź vialikim pośpiecham byŭ prezientavany na scenie Kupałaŭskaha teatru.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?