Dla tych, chto časta vyjazdžaje za miažu i choča pastajanna zastavacca na suviazi, isnujuć try asnoŭnyja varyjanty dziejańniaŭ. Pra ceny na pieršy ź ich — roŭminh — «Naša niva» pisała ŭčora.

Ciapier čas vyłučyć plusy i minusy jašče adnaho — turystyčnaj sim-kartki. Goodline (ci GlobalSim, ci Simtravel) jašče nie nadta viadomaja ŭ šyrokich kołach, ale ŭžo nabiraje papularnaść. Heta mižnarodnaja kartka, jakaja pracuje va ŭsich krainach śvietu. Numar zarehistravany ŭ estonskim dyjapazonie +372 ChXX XXX XX.

Plusy

Biaspłatnyja ŭvachodziačyja zvanki. Ciapier nie treba pakutliva praličvać, jak prymusić surazmoŭcu ŭkłaścisia ŭ chvilinu razmovy. Choča razmaŭlać — chaj płacić sam. Takaja prapanova dziejničaje ŭ 63 krainach śvietu. Bolšaść jeŭrapiejskich krain uvachodziać u hety śpis.

Biaspłatnyja ŭvachodziačyja SMS. Jak i roŭminhu, za atrymanyja paviedamleńni płacić ničoha nie treba.

Paraŭnalna tannyja zvanki ŭ Biełaruś. Naprykład, chvilina zvanka z Francyi ŭ Biełaruś kaštuje 4100 rubloŭ plus padatki. A voś na Simtrevieł — 1770 rubloŭ.

Adna sim-kartka na ŭsie krainy. Nie treba zachoŭvać i vazić z saboj stosik kartak dla kožnaj krainy.

Lohka kupić. Punkty prodažu raskidanyja pa ŭsioj Biełarusi — u śpisie kala 30 haradoŭ. U adnym tolki Minsku kartka pradajecca bolš čym u 30 kramach «Śviaznoho».

Hrošy «nie zharajuć». Navat praz hod možna dastać kartku z palicy, i suviaź jana zapracuje.

Minusy

Košt zvanka na GlobalSim faktyčna pierakładvajecca na taho, chto telefanuje. Pazvanić svajaku na turystyčnuju kartku z mabilnaha numaru MTS, Viełkom ci Łajf budzie kaštavać 1100–2200 u zaležnaści ad taryfnaha płana. Tańniej za ŭsio zvanić sa stacyjanarnaha telefona. Za chvilinu razmovy «Biełtelekam» voźmie 540 ci 750 rubloŭ u zaležnaści ad času sutak.

Vialiki pieršasny ŭniosak. Kartka z $1 na rachunku kaštuje kala $25. Dalejšyja kartki ekspres-apłaty možna budzie kuplać za $10, $20, $50 ci $100. Toj, chto choča prosta adnojčy pazvanić damoj, kab skazać, što jon žyvy-zdarovy, zhubić vialikuju sumu hrošaj Pry žadańni možna pakłaści na rachunak lubuju sumu hrošaj praź sistemu elektronnych hrošaj, ale takija płaciažy pakul što nie raźvityja ŭ Biełarusi.

Novy numar. Pryjdziecca pradyktavać usim tym, ad kaho varta čakać zvanka, numar u farmacie +372 ChXX XXX XX. Kali ž zvanić z hetaha numaru samomu, nie abyjścisia biez paŭchvilinnaha raspoviedu, ź jakoha numaru telefanuješ.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?