Siońnia ŭ pieršaj pałovie dnia Alaksandar Łukašenka ŭziaŭ udzieł u adkryćci memaryjału ŭ Maskvie. Kiraŭniki Biełarusi, Rasiei i Ŭkrainy pryjechali na imprezu na adnym «Mersedesie», na antenie jakoha była zaviazanaja hieorhijeŭskaja stužka. Na pinžakach Miadźviedzieva i Janukoviča taksama byli prymacavanyja hieorhijeŭskija stužki, a ŭ Łukašenki — čyrvona-zialonaja. U vystupach Łukašenka havaryŭ pra nieabchodnaść umacavańnia adzinstva troch krainaŭ, a Janukovič zajaviŭ ab namiery zaprasić kiraŭnikoŭ Biełarusi i Rasiei ŭ Kijeŭ.

Jak pieradajuć rasiejskija medyi, padčas sustrečy z veteranami prezydenty vypili pa sto hramaŭ harełki. A kali Łukašenka vycier tvar chuścinkaj, Miadźviedzieŭ jaho spytaŭ: «Što, nijak nia možacie aklimatyzavacca?»

Ahienctva RIAN udakładniaje: «Kožny z prezydentaŭ ŭziaŭ u ruki pa čarcy harełki. «Sa śviatam vas, z Dniom Pieramohi!» — skazaŭ Miadźviedzieŭ i pryhubiŭ čarku. Toje samaje zrabiŭ prezydent Ukrainy. A naš vypiŭ svaju čarku da dna, praź niekalki chvilin padniaŭ čarku i skazaŭ: «Mužyki, za vas».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?