Novy sietkavy prajekt Amnesty International «Tyrannybook» skarystoŭvaje siłu abmienu infarmacyi pamiž miljonami ludziej «nie tolki dla taho, kab pryznačyć čarhovuju viečarynu, ale i kab prademanstravać miescy parušeńnia pravoŭ čałavieka i zaktyvizavać ludziej na supraćdziejańnie».

Svajeasablivy anałah Fejsbuku ŭtrymlivaje dziesiać akaŭntaŭ, zareziervavanych za dosyć znakamitymi ŭ sučasnym śviecie asobami. Svaje staronki majuć Kim Čen Ir, Chu Czińtao, Ramzan Kadyraŭ, Machmud Achmadzinedžad, Robert Muhabe, Tomas Łubanha, Radavan Karadžyč, Tan Šve, Amar al-Bašyr. Trapiŭ u hety śpis i prezident Respubliki Biełaruś. Da taho ž, luby achvotny internet-karystalnik moža zarehistravacca na Tyranabuku i, litaralna, sačyć za dyktataram albo dyktatarami: prahladać naviny i fotazdymki, publikavać svaje paviedamleńni, siabravać z adnadumcami, salidaryzavacca ŭ adpaviednych supołkach, zaprašać na padziei — adnym słovam, vałodać usim adpaviednym sacyjalnym sietkam instrumientarom adnosinaŭ.

Pakul što resurs nie bahaty na raznastajnyja materyjały i nie moža pachvalicca miljonnaj aŭdytoryjaj karystalnikaŭ, chacia ŭžo dazvalaje vymaŭloŭvać karcinu dyktatarskich rejtynhaŭ. Prynamsi, Alaksandr Łukašenka pa kolkaści tych, chto za im «sočyć», značna pieraŭzychodzić Ramzana Kadyrava i Radavana Karadžyča, ale nie mienš značna sastupaje takim asobam, jak Kim Čyn Ir i Chu Czińtao. Biezumoŭnym ža lideram pa kolkaści «prychilnikaŭ» tut pačuvaje siabie Achmadzinedžad.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?