Namieśnik ministra adukacyi Biełarusi Kazimir Faryno vystupiŭ na źjeździe rabotnikaŭ adukacyi krain SND u Astanie z nadzvyčaj svoječasovaj i karysnaj inicyjatyvaj: stvaryć adziny padručnik pa historyi dla ŭsich krain SND.

Biezumoŭna, heta dazvolić prasačyć adzinstva histaryčnaha šlachu Biełarusi i Turkmienistana, Kazachstana i Ukrainy, Prydniastroŭja i Paŭdniovaj Asiecii.

Novyja histaryčnyja abstaviny patrabujuć udakładnienaj terminałohii. Naprykład, manhoła‑tatarskaje iha možna pieranazvać u Pieršuju rasijska‑kazachskuju damovu ab kalektyŭnaj biaśpiecy, a źniščeńnie Ivanam Hroznym Połacka — u dałučeńnie Biełarusi da zhadanaj vyšej damovy.

Na žal, u najnoŭšaj historyi udakładnieńniem terminałohii nie zhładziš usich vostrych kutoŭ. Tamu pry najaŭnaści sprečnych momantaŭ možna abviaščać tender z udziełam zacikaŭlenych bakoŭ. Naprykład, prykry epizod ź pieravarotam u Kyrhyzstanie i źviaržeńniem zakonnaha prezidenta Bakijeva. Možna prapanavać vykłaści svaje viersii kyrhyzskim historykam i rasijskim palittechnołaham. Bok, jaki pieramoža, prafinansuje napisańnie adpaviednaha raździeła padručnika. Kab ni ŭ koha nie ŭźnikła sumnievaŭ u abjektyŭnaści, daručyć pisać raździeł varta kalektyvu časopisa Administracyi prezidenta «Biełaruskaja dumka». Jak, zrešty, hetym nadziejnym śpiecyjalistam možna daručyć pisać usiu knihu.

Taksama ŭ miežach prajekta nieabchodna stvaryć dvuchbakovyja pahadžalnyja kamisii pa sprečnych pytańniach biełaruska‑abchazskaj, biełaruska‑uźbiekskaj i h.d. historyj. Finansavać ich možna ź biudžetu sajuznaj dziaržavy. Spatrebicca nie mienš za dziesiać vyjaznych pasiadžeńniaŭ kožnaj z takich kamisij. Uznačalić ich moh by pavažany va ŭsim SND piśmieńnik i sienatar Mikałaj Čarhiniec.

A ŭ pierśpiektyvie čamu b nie stvaryć padručniki pa historyi dziaržaŭ‑udzielnic ADKB i Mytnaha sajuza?

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?