Niamieckaja kampanija «Eniertrah» płanuje pabudavać u Dziaržynskim rajonie pieršy ŭ Biełarusi vietrapark.

Pra heta na pres‑kanfierencyi 28 krasavika ŭ Minsku paviedamiŭ načalnik adździeła navukova‑techničnaj palityki i źniešnieekanamičnych suviaziaŭ departamienta pa eniehraefiektyŭnaści Dziaržstandarta Andrej Miniankoŭ.

Pavodle jaho słoŭ, 28 krasavika ŭ Minsku budzie padpisany inviestycyjny dahavor pamiž «Eniertraham» i Minskim abłvykankamam.

Kampanija zacikaviłasia najbolš vysokim miescam u Biełarusi — kala pasiołka Vołma Dziaržynskaha rajona. Miarkujecca, što prajekt budzie realizavany ŭ dva etapy. Na pieršym płanujecca stvaryć vietrapark z ustanoŭlenaj enierhietyčnaj mahutnaściu da 80 MVt, na druhim — pavialičyć mahutnaść da 160 MVt. Kampanija płanuje realizavać prajekt za košt ŭłasnych srodkaŭ. Pavodle papiarednich padlikaŭ, košt pieršaha etapa składzie prykładna 104 młn. jeŭra. Kampanija budzie vałodać hetym abjektam i pradavać elektraenierhiju dla biełaruskaj enierhasistemy.

Płanujecca, što paśla padpisańnia inviestycyjnaha dahavora kampanija ŭstaluje mačty dla vymiaralnych pryład dla acenki patencyjału viatroŭ u hetym rehijonie, adnačasova budzie pravodzicca praca pa stvareńni pradstaŭnictva kampanii ŭ Biełarusi, atrymańni dazvolnych dakumientaŭ, padbory piersanału, vyvučeńnie mahčymaści vykarystańnia biełaruskich budaŭničych materyjałaŭ. Praz hod pačniecca prajektavańnie i budaŭnictva. Čakajecca, što pieršy etap budzie realizavany ŭ druhim paŭhodździ 2011 hoda, uvieś prajekt — u 2012 hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?