U Polščy praciahvajecca probny pierapis nasielnictva — užo viadoma, što ŭ niekatoryja pytańni hałoŭnaha pierapisu, jaki adbudziecca viasnoju 2011 h., buduć uniesienyja źmieny.

Siarod źmienaŭ — pytańni pra rodnuju movu dy vieravyznańnie. Hałoŭnaja statystyčnaja ŭstanova abvieściła, što ŭviadzie taksama mahčymaść dvajnoha vybaru nacyjanalnaj dy etničnaj prynaležnaści.

Upaŭnavažany pa hetaj spravie Viesłaŭ Łahadzinski paviedamiŭ nastupnaje:

— Hetaje pytańnie ŭźnikła paśla burlivaj dyskusii ŭ ŚMI, vyjšła jano ad kašubaŭ, ale nie tolki ich adnych. Hetaja prablema ŭźnikła i ŭ 2002 hodzie, kali ludzi damahalisia vybaru bolš za adnoj mahčymaści, bo ŭ ich takoje adčuvańnie tojesnaści.

Hetaje rašeńnie vyklikaje taksama nieadnaznačnyja adnosiny da jaho lideraŭ i dziejačoŭ mienšasnych arhanizacyj. Z boku biełarusaŭ najčaściej iduć hałasy krytyki. Piatro Tyma, staršynia Sajuza ŭkraincaŭ u Polščy i siabra supolnaj kamisii ŭrada i mienšaści, siarod tych, chto ličyć hetuju źmienu patrebnaj:

— U vypadku Polščy nie treba prytrymlivacca kateharyčnych kryteryj, bo ŭ vypadku kožnaj mienšaści majem my stasunki ź miešanymi sužonstvami dy asobami, jakija adnačasna prynaležać da dźviuch kultur.

Pakul nieviadoma, jak kančatkova buduć vyhladać pytańni pra nacyjanalnaść i vieravyznańnie. Pavodle ŭpaŭnavažanaha Hałoŭnaj statystyčnaj ustanovy, sprava budzie šyroka kansultavacca paśla vynikaŭ probnaha pierapisu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?