U toj samy dzień, kali z žurnalistami kantaktavaŭ zrynuty prezident Kyrhyzstanu Kurmanbiek Bakijeŭ, zajavu dla presy zrabiła pasoł Kyrhyzstanu ŭ Biełarusi Išenkul Bałdžurava.

Budynak pasolstva Kyrhyzstana mieścicca na Staravilenskaj vulicy, pobač dypłamatyčnyja pradstaŭnictvy Ukrainy, ZŠA, Rasii. U kanfierenc‑zali ambasady visić dźviuchmoŭny płakat: «Koš kielinizdier / Sardečna zaprašajem».

Spadarynia Bałdžurava pracavała ministram adukacyi, jak za Askaram Akajevym, tak i za Kurmanbiekam Bakijevym. Pasłom u Biełaruś była pryznačanaja ŭ červieni 2009 hoda.

«U ŚMI Biełarusi siońnia kirhizski dzień», — adrazu pažartavała dypłamat. U jakaści epihrafa da pres‑kanfierencyi spn.Bałdžurava pracytavała ŭryvak z kitajskaha letapisu, dzie havaryłasia, što dobraha kiraŭnika svoj narod lubić, a drennaha — vyhaniaje von.

«Historyja paŭtarajecca, — zaznačyła Išenkul Bałdžurava. — Ciapier Kyrhyzstan pieražyvaje nialohkija časy. Ahramadnaja padziaka dypłamatyčnamu korpusu, mižnarodnym arhanizacyjam, jakich chvaluje los našaj krainy».

Pa słovach pasła, kansalidavanaja pazicyja ZŠA, Rasii, Kazachstana i Jeŭrasajuza pa vyvazie z krainy Kurmanbieka Bakijeva dazvoliła stabilizavać situacyju ŭ Kyrhyzstanie.
«Mižnarodnaja supolnaść pryznała časovy ŭrad. Pačałasia praca pa realizacyi kanstytucyjnych reformaŭ. Kyrhyzstan abiacaje dalejšaje vykanańnie mižnarodnych, jak dvuchbakovych, tak i šmatbakovych damovaŭ i abaviazkaŭ», — zaznačyła pasoł.

«Ni intelihient Akajeŭ, ni haspadarnik Bakijeŭ nie skarystali ŭnikalny šaniec uvajści ŭ historyju, jak stvaralniki. Jany abmanuli nadziei i spadziavańni narodu», — zaznačyła Bałdžurava.

«Naš narod ciarplivy da toj pary, pakul jaho nie dastanuć. Kali jaho dastajuć, to adbyvajucca revalucyi», — skončyła zvarot pasoł.

Pieršym pytańniem było, ci budzie aficyjny Biškiek patrabavać vydačy Bakijeva. «Dla hetaha pavinna być pravavaja asnova. Pakul kryminalnaja sprava suprać byłoha prezidenta nie zaviedzienaja. Sprava zaviedzienaja na jahonaha syna Maksima i dvaccaci troch jahonych paplečnikaŭ», — kaža pasoł.

Jak prakamientuje Bałdžurava rašeńnie Łukašenki pryniać u siabie Bakijeva. «Ja nie mahu kamientavać dziejańni biełaruskich uładaŭ. Spadziajusia, u našych narodaŭ chopić abačlivaści nie ŭskładniać adnosin».

Kamunikavańnie z presaj spadarynia pasoł skončyła frazaj: «Bieki (kiraŭniki sychodziać), a narod zastajecca».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?