Juraś Mielaškievič, jaki vyłučajecca pa Słabadskoj vybarčaj akruzie № 28, zaŭvažyŭ parušeńni vybarčaha zakanadaŭstva.

Na vybarčych učastkach № 95–99, jakija raźmieščany ŭ škole № 206 pa vulicy Rafijeva, pad stendam ad CVK, lažaŭ stos ulotak z prahramaj dziejańniaŭ i abiacańniami adnaho z kandydataŭ.

«Mnie pra heta paviedali ŭčora znajomyja vybarščyki — kaža Juraś Mielaškievič, kandydat u deputaty pa 28-aj Słabadskoj akruzie. — Siońnia pryjšoŭ — dakładna lažać rekłamnyja materyjały kandydata ad ŭłady. Ja zrabiŭ zaŭvahu siabram kamisii. Skazaŭ, što nielha, kab na vybarčym učastku znachodzilisia ahitacyjnyja materyjały. Ulotki chucieńka prybrali. Adnak ja ŭsio roŭna napišu zajavu pra parušeńnie ŭ Maskoŭskuju rajonnuju vybarčuju kamisiju».

«Na vybarčym učastku pavinien znachodzicca tolki infarmacyjny stend, na jakim pradstaŭlena infarmacyja pra usich kandydataŭ u deputaty. — kamientuje juryst Siarhiej Alfier, — Ni ŭ jakim razie tam nie mohuć lažać niejkija stosy ŭlotak. Heta hrubaje parušeńnie, bo vybarčaja kamisija musić być niezaležnaj i niepraduziataj, kab nie pravodzić u dzień vybaraŭ ahitacyju za kandydata. jaki im bolej padabajecca».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?