U siaredzinie sakavika haziety i internet-resursy raspaŭsiudzili navinu ab tym, što ŭ Minsku źniknie stancyja mietro «Płošča Lenina».
Płanavałasia, što zamiest jaje źjavicca «Płošča Niezaležnaści». Tady ž była ahučanaja infarmacyja, što ŭžo naprykancy sakavika minčanie pačujuć u ciahnikach mietro nie zvykłaje «nastupnaja stancyja – płošča Lenina», a staroje-novaje «Płošča Niezaležnaści».

Prajšoŭ miesiac, adnak novaj nazvy ŭ minskim mietro tak i nie źjaviłasia. Sproby «NN» vyśvietlić pryčynu hetaha raźbilisia ab biurakratyčnyja mury Minharvykankamu – nivodny z surazmoŭnikaŭ haziety nie zmoh uciamna patłumačyć, čamu pierajmienavańnie dahetul nie adbyłosia i dzie možna vyśvietlić pryčyny hetaha. Sakratar pryjomnaj paraiła navat źviarnucca naŭprost u Ministerstva architektury i budaŭnictva.

Va ŭpraŭleńni minskaha mietrapalitenu «NN» paviedamili, što ab płanach pierajmienavańnia stancyi «Płošča Lenina» čuli, adnak nijakaha rasparadžeńnia Minharvykankamu nie atrymoŭvali. Tamu pakul «Płošča Lenina» zastajecca. Jak nadoŭha – nieviadoma.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?