Sprava pa č. 1 art. 139 KK (zabojstva) raspačata ŭ Krupskim RAUS u dačynieńni da 59‑hadovaha žychara Barysava, jaki zastreliŭ 26 sakavika elektryka sadovaha tavarystva «Čarot», žychara vioski Bieražok.

Jak paviedamili ŭadździaleńni infarmacyi i hramadskich suviaziej UUS Minskaha abłvykankama, 40‑hadovy elektryk nieadnarazova patrabavaŭ, kab susiedzi‑dačniki pierastali kraści elektraenierhiju, niezakonna dałučajučysia da elektryčnaj sietki. Tyja, u svaju čarhu, kab jon nie zaŭvažaŭ kradziažu, prapanoŭvali hrošy, śpirtnoje, adnak usio było daremna. U pačatku viasny elektryk źviarnuŭsia ŭ Enierhanahlad, jaki vypisaŭ susiedziam vialiki štraf.

Uviečary 26 sakavika, pryjechaŭšy čarhovy raz na lecišča, barysaŭčanin vyrašyŭ adpomścić za źniavahu.

Jon pryjšoŭ u dom da elektryka i vystraliŭ jamu ŭ hrudzi z samarobnaha pistaleta. Paranieny jašče zdoleŭ dabracca da susiedki i paprasić vyklikać chutkuju dapamohu, ale pamior u balnicy.

Dla vyšuku złačynca ŭvodziŭsia płan «Sirena». Barysaŭčanina, jaki znachodziŭsia ŭ stanie mocnaha ałkaholnaha ap`ianieńnia, zatrymaŭ u lesie načalnik Krupskaha RAUS. Ciapier zatrymany znachodzicca ŭ śledčym izalatary rajadździeła.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?