Terakty ŭ Maskvie. Śviedčańni vidavočcaŭ.

Pieršy vybuch adbyŭsia ŭ 7.52 ranicy ŭ ciahniku mietro, što spyniŭsia na stancyi «Łubianka». Vybuchovaje prystasavańnie spracavała ŭ druhim vahonie tematyčnaha ciahnika «Čyrvonaja strała», jaki nakiroŭvaŭsia ŭ bok «Vulicy Padbielskaha». Adzin z pasažyraŭ zaśpieŭ momant vybuchu, pierachodziačy z «Kuźnieckaha Masta» na stancyju «Łubianka». «Ja niepasredna padnimaŭsia pa eskałatary na pierachod i pačuŭ chłapok, vybuch. Dźviery kala mianie, kala pierachodu vyhnulisia. Vobłaka pyłu źvierchu apuściłasia na eskałatar, pabiehli ludzi pa eskałatary. Ludzi stali padać, tam była zvałka. Ja taksama pabieh», — cytujuć śviedki Viesti.Ru.

«Ja byŭ u susiednim vahonie, kali hrymnuŭ vybuch. Dźviery susiedniaha vahona litaralna vyviernulisia vonki. Jak minimum čałaviek 15 zahinuli adrazu ž»,
— raspavioŭ Lifenews pasažyr ciahnika, ŭzarvanaha na «Łubiancy». «My nie zrazumieli, što zdaryłasia, dumali, što na vahon abrynulisia pierakryćci stoli. Usie zakryčali, — raspaviała dziaŭčyna, jakaja znachodziłasia ŭ susiednim z uzarvanym vahonie. — Tolki kali my vyjšli na vulicu, daviedalisia ab vybuchu», — paviedamlaje ITAR-TASS.
Pavodle dadzienych prakuratury Maskvy, vybuchovaje prystasavańnie było na pojasie pasažyrki, što ŭvachodziła ŭ druhi vahon. Paražalnyja elemienty, jakimi była načynienaja samarobnaja bomba, raźlacielisia pa placoŭcy la ŭvachodu ŭ vahon.
Śledčyja kažuć, što na «Łubiancy» znojdzienaja hałava śmiarotnicy (jak i toj, što vybuchnuła na «Parku kultury»). U vahonie pracavała videakamiera, zapis zaraz prahladajuć ŭ mabilnaj kryminalistyčnaj łabaratoryi, pryparkavanaj kala pavarotu na Nikolskuju vulicu.

Jašče adzin śviedka spuściŭsia na stancyju «Łubianka» adrazu paśla vybuchu.

«Hladžu, narod, jaki sa stancyi idzie, užo patrapany ładna, adzieńnie parvanaje na šmatki, u adnaho mužyka da plača čyjści kavałak miasa prylip. Žach»,
— pryvodzić słovy jašče adnaho vidavočcy sajt realtypress.ru.

Pa dadzienych SKP, pry vybuchu na stancyi «Łubianka» zahinuli jak minimum 23 čałavieki, jašče 18 paciarpieli. Cieły zahinuŭšych lažać na stancyi da hetaha času, ich, jak kažuć apieratyŭniki, vyviezuć ich bližej da viečara, pakul ich daśledujuć kryminalisty. «Razbureńniaŭ na stancyi niama», — kažuć aficyjnyja asoby.

Paśla vybuchu na Łubiancy ruch ciahnikoŭ u mietro spynieny nie byŭ. Ciahniki, choć i z pavialičanymi intervałami, ale jechali ŭ bok «Parku kultury», dzie adbyŭsia druhi vybuch.

Jak napisaŭ śviedka padziej u błohu davete.livejournal.com, paśla vybuchu na Łubiancy jon znachodziŭsia na «Biblijatecy imia Lenina». «Ciahnik čakaŭ chvilin 7. Zatym jon stajaŭ na stancyi prykładna stolki ž ... Takim čynam, stajali chvilin pa 7/10 na «Krapotkinskaj», zatym u pierahonie pamiž «Krapotkinskaj» i «Parkam kultury». Vychodžu na «Parku kultury». Padnimajusia ŭžo było da vychadu. Pobač iduć supracoŭniki milicyi.

Da ich źviartajecca niejkaja žančyna: «Što zdaryłasia?» — «Oj, dy avaryja niejkaja, techničnyja pryčyny». U hetuju ž siekundu prahrymieŭ vybuch»,
— piša jon.

Jak paviedamlaje śviedka, jakoha cytuje RIA «Novosti», na «Parku kultury» vybuchnuła ŭ pieršym ci ŭ druhim vahonie z kanca. «Ja adčuŭ na sabie vibracyju. Ciahnik užo stajaŭ da hetaha momantu chviliny dźvie. Prahrymieŭ vybuch, było šmat dymu. Potym prajšło litaralna chviliny dźvie — zadymiłasia ŭsio, mabyć, ad porachu. Ludzi strašna kryčali», — paviedamiŭ śviedka.

Jak raspavioŭ Hazietie.Ru adzin ź vidavočcaŭ vybuchu na «Parku kultury», paśla teraktu na stancyi pačałosia zadymleńnie. «Ja zajšoŭ na «Biblijatecy imia Lenina», dajechaŭ da «Parku kultury» , a kali padychodziŭ da ciahnika, prahrymieŭ vybuch. Było padobna, što bombu ŭzarvali nie ŭ vahonie, a pad im. Jak byccam by niechta zakłaŭ vybuchovaje prystasavańnie na kantaktny rejek, vybuch išoŭ adniekul źnizu vahona. Potym pačałasia panika, ludzi stali vybiahać, ale milicyja prafiesijna spracavała, dapamahła ŭsim vyjści biez ekscesaŭ», — skazaŭ jon.

Pa słovach vidavočcy, dla hadziny pik na «Parku kultury» było niašmat ludziej. «Kali b vybuch adbyŭsia na «Biblijatecy imia Lenina», to achviar mahło być značna bolš. Tam była žudasnaja ciskanina, a na płatformie nie było mašyn», — skazaŭ jon.

Vidavočcy paviedamlajuć, što uzarvany ciahnik taksama jechaŭ u bok «Vulicy Padbielskaha». «Ludziej było niašmat, daŭki nie było. Ale vybuch vielmi mahutny. Nie sumniavajusia, hetaja bomba — vajennaha standartu», — piša juzer davete.

Vybuch na «Parku kultury» adbyŭsia ŭ 8.39-8.40. «Łubianku» abjechaŭ, na «Parku kultury» sustreŭ 5 čałaviek u kryvi i jakiści častkach cieła ŭ vałasach. Žančyna ŭsia ŭ kryvi lažyć kala viestybiula Sakolnickaj, na «Parku kultury», — napisaŭ bifurcafe na FriendFeed.

Na stancyjach Sakolnickaj linii ŭ rajonie 8-9 hadzin była ciskanina.

«Na stancyi» Kamsamolskaja «jość paciarpiełyja, jakich prosta zadušyli ŭ natoŭpie.
Narodu stoŭpilisia ŭ viestybiulach vielmi šmat, tysiačy čałaviek. Niahledziačy na heta, turnikiety na ŭvachod pierakrytyja nie byli. Pasažyry jakija prybyvajuć na Leninhradski vakzał elektryčak išli pa znajomym maršrucie i traplali ŭ ciskaninu. Vychady ź viestybiula na płošču troch vakzałaŭ ŭsie, akramia adnaho, byli zakryty», — piša Ivashkov_spb.

Ruch ciahnikoŭ na ŭčastku Sakolnickaj linii ad «Parku kultury» da «Kamsamolskaj» byŭ spynieny. Hetym skarystalisia taksisty. Jak paviedamlajuć haradžanie ŭ svaich błohach, ceny za prajezd pamiž 2/4 stancyjami mietro padskočyli da niekalkich tysiač rubloŭ. Taksisty razvoziać narod z Kamsamolskaj nie mienš čym za 3000 rubloŭ. Nieabyjakavyja hramadzianie arhanizavali biaspłatny razvoz pasažyraŭ mietro.

Hladzi jašče:
Vybuchi ŭ maskoŭskim mietro

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?