Fota BIEŁTA

Fota BIEŁTA

Biełaruś hatova pakinuć usie kryŭdy ŭ minułym i pačać plonnaje supracoŭnictva sa Złučanymi Štatami nie tolki ŭ ekanamičnaj, ale i ŭ inšych śfierach», — zajaviŭ Alaksandr Łukašenka 29 sakavika na sustrečy z kiraŭnictvam dziesiaci bujnych kampanij ZŠA. Pra heta paviedamlaje pres‑słužba prezidenta Biełarusi.

U pryvatnaści, u Minsk prybyli kiraŭniki karparacyj «Chanivieł», «Majkrasoft», «ArvinMierytar», «Ju‑Es Interniešnł Trejdynh Karparejšn», «JERS‑Inžynirynh», «Siska Sistemz».

Łukašenka vykazaŭ škadavańnie, što ŭ apošniaje dziesiacihodździe adnosiny Biełarusi i ZŠA raźvivalisia vielmi nieraŭnamierna i «časta znachodzilisia ŭ stanie kryŭdnaj adčužanaści». «Pryčym, chaču padkreślić, — nie pa vinie Biełarusi», — skazaŭ kiraŭnik dziaržavy. Kropkavyja ekanamičnyja sankcyi, jakija prymianiła da asobnych biełaruskich pradpryjemstvaŭ administracyja Džordža Buša‑małodšaha, dahetul stvarajuć niehatyŭny fon dla raźvićcia ŭsiaho kompleksu handlova‑ekanamičnych suviaziaŭ pamiž dźviuma dziaržavami. «Na maju dumku, nie da tvaru takoj dziaržavie, jak ZŠA, źviartacca da adkrytaha ekanamičnaha šantažu suvierennaj dziaržavy, jakaja jašče tolki farmirujecca», — padkreśliŭ prezident.

Asablivyja nadziei na narmalizacyju adnosinaŭ Biełaruś, pavodle słoŭ Łukašenki, źviazvaje z novaj administracyjaj ZŠA.

«Ja schilny ličyć, što ŭ prezidenta Abamy pohlad na śviet bolš adekvatny i demakratyčny, nie abciažarany pieražytkami chałodnaj vajny i ahresiŭnymi ideałahičnymi padychodami da vyrašeńnia mižnarodnych pytańniaŭ», — zaznačyŭ biełaruski kiraŭnik.

Jon padkreśliŭ, što źniešniepalityčnyja pierakanańni, jakija demanstruje Barak Abama, impanujuć kiraŭnictvu našaj krainy. «Taki padychod całkam suhučny pryncypam miždziaržaŭnaha supracoŭnictva, jakimi kirujecca Biełaruś», — zaznačyŭ Łukašenka. «Ź ciapierašniaj administracyjaj my ŭžo raspačali aściarožnuju hutarku i hatovy praciahnuć ruku družby amierykanskim partnioram», — dadaŭ jon.

Razam z tym, padkreśliŭ prezident, cyvilizavany, pa‑sapraŭdnamu efiektyŭny dyjałoh niemahčymy

, kali adzin z bakoŭ znachodzicca pad adkrytym naciskam. «Biełaruś zacikaŭlenaja ŭ raźvićci paŭnavartasnych uzajemavyhadnych kanstruktyŭnych adnosinaŭ z najmahutniejšaj dziaržavaj śvietu.

Ale jany pavinny zasnoŭvacca na pryncypach nieŭmiašańnia va ŭnutranyja spravy inšaj dziaržavy, uzajemnaj pavahi i davieru», — zajaviŭ kiraŭnik dziaržavy.

Łukašenka akcentavaŭ uvahu na tym, što amierykanskija biźniesmieny pry žadańni zmohuć istotna dapamahčy ŭ narmalizacyi miždziaržaŭnych adnosinaŭ. «Heta nienarmalna, kali dźvie cyvilizavanyja dziaržavy, jakija kaliści vajavali razam suprać fašyzmu, siońnia znachodziacca pa roznych bakach barykad i hladziać skosa adna na adnu», — upeŭnieny kiraŭnik dziaržavy. I ŭ farmiravańni novych kanstruktyŭnych adnosinaŭ pamiž dźviuma krainami niemałuju rolu mohuć adyhrać biźnies‑kantakty, miarkuje jon.

Prezident taksama zajaviŭ, što Biełaruś harantuje amierykanskamu biźniesu, jaki pryjšoŭ u krainu, maksimalnuju padtrymku z boku ŭładaŭ i spryjalnyja ŭmovy dla pracy.

***

Nahadajem, u listapadzie 2007 hoda ZŠA ŭviali ekanamičnyja sankcyi ŭ dačynieńni da kancerna «Biełnaftachim» u suviazi z parušeńniem pravoŭ čałavieka ŭ Biełarusi.

U sakaviku 2008 hoda, paśla taho jak ułady Biełarusi admovilisia vyzvalić byłoha kandydata ŭ prezidenty Alaksandra Kazulina (na toj momant — apošniaha z šaści pryznanych mižnarodnaj supolnaściu palitźniavolenych), ZŠA ŭviali sankcyi ŭ adnosinach da ŭsich pradpryjemstvaŭ, što ŭvachodziać u skład «Biełnaftachima». Minsk i Vašynhton adklikali svaich pasłoŭ dla kansultacyj. Da siońniašniaha dnia štaty abodvuch pasolstvaŭ skaročanyja da minimumu.

5 vieraśnia 2008 hoda Minfin ZŠA na paŭhoda pamiakčyŭ ekanamičnyja sankcyi ŭ adnosinach da dvuch AAT — «Łakafarba» i «Połack‑Škłovałakno». Hetaje rašeńnie praciahvałasia amierykanskim bokam užo trojčy. U listapadzie 2009 hoda jano było praciahnuta da 31 maja 2010 hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?