Alaksandr Łukašenka prahavaryŭsia. Znachodziačysia ŭ haściach u Uha Čaviesa, kiraŭnik Biełarusi zajaviŭ: «My damovilisia, što letam nastupnaha hodu ja znoŭ prylaču ŭ Vieniesuełu». To bok vyniki prezidenckich vybaraŭ, jakija musiać adbycca ŭ našaj krainie nie paźniej za luty 2011‑ha, Alaksandru Łukašenku ŭžo viadomyja.

Zdahadku pra toje, što ciapierašni kiraŭnik Biełarusi prylacić letam 2011 hodu ŭ Vieniesuełu ŭ jakaści turysta, davodzicca vyklučyć paśla znajomstva z paviedamleńniem aficyjnaha ahienctva «BIEŁTA». Tam, u pryvatnaści, havorycca: «Letam 2011 hodu ŭ Vieniesuełu pryjedzie kiraŭnik biełaruskaj dziaržavy Alaksandr Łukašenka». Darečy, da nastupnaha vizitu Łukašenki ŭ Karakas płanujecca prymierkavać adkryćcio šerahu pradpryjemstvaŭ, pabudavanych biełarusami, — «kab vieniesuelcy bačyli, što my ludzi surjoznyja».

Pra płany Łukašenki paviedamiła nie tolki BIEŁTA, ale i inšyja infarmahienctvy. Tak, www.interfax.by cytuje kiraŭnika Biełarusi: «My damovilisia, što letam nastupnaha hodu ja znoŭ prylaču ŭ Vieniesuełu».

Miarkujučy pa ŭsim, Alaksandra Łukašenku zusim nie biantežyć taja akaličnaść,

što ciaham najbližejšaha hodu (nie paźniej za luty 2011‑ha) u našaj krainie musiać adbycca prezidenckija vybary.

Vierahodna, ich scenar užo raśpisany i pieraduhledžvaje čarhovuju «elehantnuju pieramohu» ciapierašniaha kiraŭnika dziaržavy. Pra što Alaksandr Łukašenka zahadzia i niedvuchsensoŭna paviedamiŭ usioj suśvietnaj supolnaści.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?