Dla kryhałomu na rekach Sož i Dniepr u Homielskaj vobłaści płanujecca zadziejničać ledakoł.

Pra heta 22 lutaha paviedamiŭ žurnalistam načalnik Homielskaha abłasnoha ŭpraŭleńnia MNS Juryj Parfianienkaŭ.

Ledakoł, mahčyma, budzie puščany pa Dniapry ŭ Łojeŭskim rajonie i pa Sožy — u Homielskim. Na Paleśsi pa race Prypiać ledakoł nie zmoža prajści, tamu tam pry nieabchodnaści lod buduć uzryvać.

U vypadku vialikaj pavodki ŭ Homielskaj vobłaści mohuć być zatopleny 163 nasielenyja punkty, ź jakich płanujecca

evakujavać pryblizna 14 tysiač čałaviek.

Parfianienkaŭ adznačyŭ, što hatoŭnaść usich słužb, zadziejničanych padčas pavodki, składaje 99%. Adnak šerah arhanizacyjnych momantaŭ zastajucca pakul niavyrašanymi. Da prykładu, u Lelčyckim rajonie jość mielijaratyŭnaje pradpryjemstva, jakoje raźmiaščajecca na terytoryjach Biełarusi i Ukrainy. Na hetym tydni pavinna być vyrašana pytańnie ad dostupie rabotnikaŭ pradpryjemstva na ŭkrainskuju terytoryju dla padrychtoŭki da pavodki.

Zhodna z prahnozami, pavodka ŭ Homielskaj vobłaści pačniecca ŭ siaredzinie sakavika.

U rehijonie siem pavodkaniebiaśpiečnych rajonaŭ. U basiejnie Prypiaci heta Pietrykaŭski, Žytkavicki i Lelčycki rajony (prytok Ubarć), Dniapra — Rečycki i Łojeŭski, Soža — Homielski i Łojeŭski, Ipuci — Dobrušski rajon. Pieryjadyčna zdarajucca padtapleńni ŭ Kastryčnickim rajonie, dzie jość nizkija miescy.

Apošniaja značnaja pavodka była ŭ Homielskaj vobłaści ŭ 2004 hodzie,

jana zakranuła navakolle abłasnoha centra. Apošnija mocnyja pavodki na Paleśsi adznačany ŭ 1979 i 1999 hadach.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?